flocadura

Estampaxe realizada con debuxos siluetados que imitan o veludo. Orixinada no s XV en Alemaña, realizábase cubrindo as partes saíntes dun bloque de madeira con cola ou engrudo e despois estampábase nun papel; posteriormente esparexíanse fibras téxtiles sobre as pegadas e fixábanse á cola. A técnica empregouse nos ss XVII e XVIII para crear papeis pintados para as paredes.