fosfoglicérido

Cada un dos fosfolípidos que derivan da glicerina. Dous dos grupos hidroxilo da glicerina esterifícanse por ácidos graxos, dos que un é normalmente insaturado. O grupo hidroxilo de posición 3 é esterificado polo ácido ortofosfórico, que, ao mesmo tempo, esterifica outro alcol. Existen nas membranas celulares e nas lipoproteínas de transporte. Denomínanse tamén glicerilfosfátidos.