Montfort Monfort

Liñaxe feudal francesa, establecida, desde 952 en Montfort, Île-de-France, no actual departamento de Yvelines. Os señores de Montfort descenden de Guillerme, fillo de Amalrico, conde de Hainaut, quen adquiriu a posesión feudal (952). O conde Simón III de Montfort adquiriu, a mediados do s XII, o condado de Leicester, en Inglaterra. Os seus fillos Simón IV de Montfort, célebre protagonista da cruzada contra os albixenses, e Guy de Montfort deron un relevo internacional á familia. Seguiron os fillos de Simón IV: Amalrico IV de Montfort e Simon de Montfort como condes de Leicester. A rama principal extinguiuse definitivamente arredor de 1295. O condado pasou sucesivamente ao conde de Dreux, ao ducado de Bretaña e á coroa de Francia.