Baiona, Abdicacións de

Cesións de todos os dereitos ao trono de España e Indias realizadas polos monarcas Carlos IV e Fernando VII, o 2 e o 6 de maio de 1808, respectivamente, en favor do Emperador Napoleón I Bonaparte. Carlos IV fixera unha primeira abdicación no seu fillo tralo Motín de Aranjuez, o 19 de marzo de 1808, declarando nula a súa renuncia o día 21. Napoleón obriga a Fernando VII a devolver a coroa ao seu pai, que á súa vez, tralos sucesos do 2 de maio madrileño, cede todos os dereitos ao Rei de Francia.