Diana

Antropónimo feminino procedente do latín Diana, deusa dos bosques, da caza e das feras, e símbolo da lúa. Este nome ten a mesma raíz ca o termo latino dius ‘celeste, divino, luminoso’ e xa se utilizaba en tempos do Imperio Romano. Non obstante , o cristianismo non o empregou, talvez por se tratar do nome dunha deusa pagá; de feito, non se rexistra ningunha mártir ou santa antiga con este nome ata o s XIII. No s XV volveuse empregar novamente, como consecuencia do proceso de recuperación de nomes clásicos que tivo lugar no Renacemento. A súa festividade celébrase o 9 de xuño.