diana

(< día)

s f
1. Punto central dun branco de tiro.
  
  Ex: Non conseguiu dar na diana.
2. Superficie formada por círculos concéntricos sobre a que se practica o tiro ao branco.
  
  Ex: As dianas xa estaban preparadas para o campionato de tiro.
s f
Toque militar realizado ao romper o día cunha corneta ou cunha trompeta para espertar os soldados. Tamén se lle chama toque de diana.

Ex: No meu cuartel a diana é ás 7:00.

Frases feitas

Con que diana me vés! Expresión empregada para indicar que alguén actúa segundo a súa conveniencia. Ex: -Hoxe, déixoche a nena. -Pois, con que diana me vés!
Estache boa a diana! Expresión empregada para indicar que un asunto está complicado. Ex: Aínda non amañaches iso? Estache boa a diana!
Facer diana. Acertar na diana.
Sempre coa mesma diana. O mesmo retrouso, a mesma canción. Ex: Cala co do asasinato, sempre estás coa mesma diana.
Tocar diana. Espertar a alguén para que se erga. Ex: Canto máis tarde me deito, máis cedo me tocan diana.