bordo

1. s m

   Extremo onde remata un obxecto.

   Ex: Quedou sentado no bordo da estrada. 

   Sinónimos: beira, marxe, beira.
2. s m [MAR]

   Costado dun barco, dende a auga ata a borda.

   Ex: Xa preparei o material para pintar o bordo do barco. 

3. [ARQUEOL]
   1. s m

      Liña que delimita o contorno dos útiles líticos sobre soporte natural ou dos produtos da talla retocados (lámina ou lasca).

   2. bordo abatido

      Bordo dunha industria lítica de sílex modificado por retoque abrupto, de tal xeito que o seu gume queda cegado. Pode atoparse en lascas (coitelos de dorso), láminas (gravettes) ou laminiñas (laminiñas de dorso).

      Sinónimos: dorso.
4. [INFORM]
   1. s m

      Liña pechada que delimita unha figura, signo ou imaxe na súa representación gráfica nun ordenador. Habitualmente, as súas características poden ser modificadas, por exemplo ampliando ou diminuíndo o seu grosor, cambiándolle de cor ou facéndoo discontinuo.

   2. bordo suave

      Nunha imaxe gráfica, un límite entre dúas zonas que é difuso e algo borroso.

5. s m [HERÁLD]

   1. Peza fundamental que bordea o campo do escudo, tendo de anchura a sexta parte do mesmo.

   2. bordo componado

      Bordo formado por cadros alternos dun metal e dunha cor diferentes da do esmalte do campo.

   3. bordo denticulado

      Bordo formado por dentes de ángulos agudos tocando a beira do escudo, xeralmente cos esmaltes alternos e diferentes do do campo.

   4. bordo de pezas

      Bordo que se diferenza do componado en que un dos seus dous esmaltes é o mesmo do campo e porque, das pezas resultantes, hai unha en cada canto superior do escudo, formando ángulo recto.

   5. bordo do escudo

      Bordo que arrodea todas as particións dun escudo.

6. s m [COMUN]

   Tipo de publicidade que se realiza en medios de transporte aéreos, fundamentalmente nas publicacións que edita a propia compañía, coñecida como publicidade a bordo.

Frases feitas

• A bordo (de). Expresión que se refire a unha nave, barco, tren, avión, etc, ou ao seu interior. Ex: Non foi quen de subir a bordo do avión. Van de lúa de mel a bordo dun trasatlántico.

• De a bordo. Aplicase ás persoas ou cousas que están embarcadas. Ex: Segundo os mariñeiros, a faena de a bordo éche moi dura.

• Ó bordo de loc prep Expresión referida a unha acción xa mencionada que está a piques de acontecer. Ex: Tralo accidente estivo ao bordo da morte.

• Subir a bordo. Construción que equivale a subir a unha embarcación. Ex: Subir a bordo e marearse foi todo un.

Formas incorrectas