abalar

1. v t

   Transmitir a un corpo un movemento de vaivén sen modificar o seu lugar no espacio.

   Ex: Abalou a cereixeira para que caesen as cereixas. O bambán abalea os nenos no parque.

   Sinónimos: abalear, abanar, abanear, acanear, bambear, balancear. Confrontacións: sacudir.
2. v t

   Axitar acompasadamente o berce dos nenos para acougalos ou durmilos.

   Ex: Miña avoa non se cansa de abalar o berce do seu neto.

   Sinónimos: abalar, abalear, abanar, abarrelar. Confrontacións: oscilar.
3. v pron

   Axitarse un corpo con un movemento de vaivén sen modificar o seu lugar no espacio.

   Ex: As pólas do carballo abaléanse co vento.

4. v i

   arregoar.

5. v i

   Expulsar, antes do tempo cumprido, un embrión ou un feto que xa estaba morto ou que non vai ter posibilidades de sobrevivir.

   Ex: Este ano non imos ter becerros porque a vaca que estaba preñada abalou onte a noite.

   Sinónimos: abortar, derramar, malparir.

Frases feitas

• Abalar co medo. Sentir moito medo.