abrideiro -ra

(< abrir)

adx
Que se abre con facilidade.

Ex: As latas de conservas que hai no mercado hoxe son abrideiras.
s m
1. Froita que, ao estar madura, se abre e solta o óso con facilidade.
2. ariedade de pexegueiro que produce un froito do mesmo nome que ten como característica o feito de abrirse e desprender o óso con facilidade.
s m [BOT]
Enfermidade da abeleira, provocada polos ácaros Eriophyes coryligallorum e Phytoptus avellanae que atacan as xemas florais ou vexetativas. As xemas enfermizas atrófianse, así queda impedida a formación do froito e a árbore queda debilitada.
Sinónimos: abertal.

Palabras veciñas