acondicionador -ra

Que acondiciona.

Produto fabricado polas industrias cosméticas que se emprega para suavizar, dar brillo ao pelo e para facilitar o peiteado despois da aplicación do xampú.

Aparello destinado a acondicionar o trigo por acción combinada e simultánea da calor, da auga e do aire; este método acelera considerablemente o proceso en comparación co método de frío.

Produto que, engadido ao solo en pequena cantidade, agrega as partículas e mellora a estrutura. En xeral, os acondicionadores son polímeros de longa cadea lial parafínica, con grupos funcionais activos.

Aparello para acondicionar o aire. A primeira parte do proceso consiste en filtrar o aire exterior mesturado co aire procedente do interior. De seguido, unha parte deste aire quéntase, mentres que o resto se enfría para eliminar a humidade. Con esta mestura, obtense aire cun grao de humidade inferior á do aire de entrada coa temperatura desexada.