agosto

(

s m [CRON]
Oitavo mes do ano no calendario gregoriano. Orixinariamente era o sexto mes do ano (sextilis). Para honrar ao Emperador Octavio Augusto, déuselle o nome do seu título.

Ex: Os da redacción iremos de vacacións en agosto.
s m [AGR]
Época do ano na que se leva a cabo a colleita dos cereais. Coñecido popularmente como o mes da seitura ou mes de santa María.

Ex: Recolleron en agosto todos os cereais coa axuda de operarios de fóra.

Frases feitas

Facer o agosto. Referido a un negocio, emprégase cando se obtén del moito beneficio nun breve período de tempo e grazas a unha conxuntura moi favorable e inesperada.

Agosto e setembro non duran sempre.
Agosto e vendima non son cada día e si cada ano, uns con proveito outros con dano.
Agosto fáiselle maio ao que non ten pan sementado.
Agosto nos farta e agosto nos mata.
As pallas á palleira e as donas á lareira.
As pallas no palleiro e as mulleres no trasfogueiro.
Despois da Peregrina o inverno vénse encima / vén o inverno axiña.
En agosto nin viño nin muller nin mosto.
En agosto o porco pon o entrecosto.
En agosto sol posto, noite conozo.
En agosto, viño mosto.
No serán de agosto non vaias ao monte por toxo, que non terás día de abondo.
O becerriño no agosto ten frío.
O que en agosto non dá cebada, en san Xoán non fai xornada.
O que queira ter bo entrecosto que cebe no agosto.
Os rocíos de agosto son mel e mosto.
Polo agosto vale máis viña que mosto.
Se en agosto e setembro non hai cebada, no resto do ano non poñas albarda.
¡Al vén san Lourenzo co seu caldeiro penzo!