afiado -da

1. p reg

   de afiar.

   Ex: Corteime con esa punta tan afiada.

2. adx

   Que ten a punta aguda ou que termina en punta.

   Ex: O lapis do carpinteiro non está moi afiado.

   Sinónimos: amolado.
3. adx

   Que ten o fío moi cortante.

   Ex: Para cortar ben a carne, precisamos un coitelo perfectamente afiado.

   Sinónimos: amolado.
4. adx

   Que ten algunha parte do corpo máis delgada do normal, especialmente o nariz, a face ou os dedos.

   Ex: Ten un nariz tan afiado que lle afea a súa fermosa faciana.

5. adx

   Que se procura molestar ou ofender a alguén co que se di ou se escribe.

   Ex: As afiadas palabras do seu artigo están a ter moita repercusión na prensa escrita.

6. s f

   Acción e efecto de afiar.

   Ex: O afiador xa rematou a afiada dos coitelos.

   Sinónimos: afiadura, amoladura.

Frases feitas

• Ter a lingua afiada. Ser mordaz.

• Ter as uñas afiadas. Persoa que acostuma a desexar os bens que non lle pertencen.