anémona
(< lat anemōne < grἀνεμώνη)
-
s
f
[PLANTA]
-
Planta herbácea perenne do xénero Anemone de rizoma reptante, follas basais e flores apétalas de sépalos petaloideos de cores diversas. En Galicia atópanse dous taxons propios de bosques e lugares húmidos: A. nemorosa, de anteras amarelas e follas tripartidas en foliolos lanceolados, e A. trifolia albida, de anteras brancas e follas tripartidas en foliolos lobados; esta última é un endemismo galego.
-
Flor da planta do mesmo nome.
-
-
s
f
[ANIMAL]
Antozoo da orde actiniarios solitario e sedentario, de corpo cilíndrico que acada uns 10 cm de altura e sen esqueleto calcario duro. Ten a base modificada para adherirse ás rochas e a abertura oral rodeada de tentáculos urticantes non retráctiles, que poden acadar ata 15 cm de lonxitude e que os emprega para capturar as presas. En Galicia e no resto do litoral Atlántico son comúns as especies pertencentes aos xéneros Anemonia, Bunodactis e Condylactis.
Confrontacións: actinia, apegón.