ascender

1. v i

   Ir en sentido ascendente, de abaixo a arriba.

   Ex: O avión cando despega ascende rapidamente.

   Sinónimos: elevar. Antónimos: descender, baixar.
2. v i

   Chegar ou situarse nun lugar máis alto.

   Ex: Ese esquío ascendeu ó cume do carballo.

3. v i

   Aumentar a temperatura, o gasto ou calquera cousa que se poida medir.

   Ex: No verán adoita producirse un ascenso das temperaturas. Os presupostos ascenderon a catorce millóns de euros.

   Sinónimos: aumentar, subir. Antónimos: descender, baixar.
4. v t

   Trasladarse espacialmente de abaixo a arriba, percorrendo unha distancia, camiño, etc.

   Ex: Ascendeu o edificio nun tempo mínimo.

   Sinónimos: subir. Antónimos: descender, baixar.
5. v t

   Outorgar a alguén un grao profesional, dignidade, cargo, etc máis elevado do que posuía.

   Ex: Ascendérono de auxiliar de redacción a redactor.

   Sinónimos: promover. Antónimos: degradar, rebaixar.

Frases feitas

• Ascender de porco para rancho. Utilízase con ton irónico para aludir a aquela empresa, negocio ou actividade que non experimenta melloría a pesar dos cambios.