atado -da

1. p reg

   de atar.

2. adx

   Que se ata ou axusta, ben con cordas, ben con calquera outro elemento, que non permite a mobilidade.

   Ex: Non me gusta atopar o can atado.

3. adx

   Que ten pouco valor ou ánimo para emprender algunha cousa ou para enfrontarse ás dificultades ou aos perigos.

   Ex: Non foi quen de dicirlle nada, é bastante atado.

   Sinónimos: petapouco. Confrontacións: covarde.
4. adx

   Apegado ao diñeiro, pouco amigo de dar e gastar.

   Ex: Nunca paga ela os cafés, é bastante atada.

   Sinónimos: cutre.
5. s m

   Conxunto de obxectos atados de calquera xeito.

   Ex: Trouxemos a palla en atados.

   Confrontacións: envurullo, fardo.
6. s m

   Conxunto de papeis relativos a un asunto, que se gardan nunha carpeta suxeitos con cordeis, fitas, etc.

   Ex: Atoparon un atado cos nomes dos fregueses de principios do século pasado na igrexa vella.

Frases feitas

• Ser un atado. Ser tacaño.

• Verse alguén atado de pés e mans. Atoparse sen liberdade ou impedido.