Banque de France

Organismo financeiro francés nacionalizado no 1946 que cumpre as funcións de banco central do estado francés. Foi fundado no ano 1800 en París, por iniciativa do goberno e cun capital totalmente privado; realizaba ao mesmo tempo as funcións de banco comercial e banco emisor. No 1803 obtivo o monopolio de emisión para París. Logo dun período de consolidación, no 1848, foille outorgado o privilexio e o monopolio de emisión sobre todo o estado francés. No 1946 foi estatalizado, e as accións privadas foron convertidas en débitos. Regula o mercado do ouro e das divisas.