Barrio

Coprodución hispano-portuguesa realizada en 1947 polo director húngaro Ladislao Vajda e interpretada por Tony Leblanc, Irene e Julia Caba, Rafael Bardem e Santiago Rivera, entre outros. Trala morte dun home nun barrio portuario da capital portuguesa, desenvólvese un filme policíaco cheo de intriga e misterio. Rodada con son en directo, a descrición do ambiente do barrio portuario foi un dos temas principais deste filme que buscaba, amais, evitar a acción da censura na España da posguerra.