begonia

Nome común que reciben as plantas do xénero Begonia, da familia das begoniáceas. Son herbáceas perennes, carnosas, de follas alternas, máis ou menos irregulares e flores unisexuadas sen corola, provistas de catro sépalos petaloides, de cor vistosa. Comprende unhas 800 especies, case todas tropicais, sudamericanas, das que se teñen obtido un número enorme de variedades e de híbridos cultivados en xardíns e invernadoiros e como plantas de interior.