berilo

Silicato de aluminio e berilio, de fórmula Be3Al2Si6O18. Pedra preciosa que cristaliza na clase holoédrica hexagonal. As variedades máis importantes son a esmeralda e a augamariña. Outras variedades son o heliodoro (amarelo), a morganita (rosa), a goshenita (incolora) e o berilo verde. A súa dureza é de 8, e o peso específico de 2,67-2,80. Ten unha orixe principalmente pneumatolítica. Emprégase para a obtención do berilio.