Binet-Simon, escala de
Binet-Simon, escala de
[PSICOL]
Técnica obxectiva de medición do rendemento intelectual que consiste nun conxunto de tests clasificados en grupos progresivamente máis difíciles de resolver e adaptados á capacidade normal dos individuos a diversas idades. Elaborada (1905) e revisada (1909) por A. Binet e T. Simon, expresaba os resultados exclusivamente en idade mental. W. L. Stern (1912) achegoulle o concepto de cociente intelectual e L. M. Terman (1917-1937) e R. Zazzo (1966) completárona. Foi o primeiro test do desenvolvemento da intelixencia.