bourel

Elemento flotante composto por moitas cortizas unidas de varios tamaños que, suxeito ao fondo da auga por medio dunha cadea ou doutro elemento, impide que as redes vaian ao fondo e queden suspendidas verticalmente na superficie do mar ou á profundidade desexada. Emprégase na pesca ao xeito, así como nos palangres e trasmallos. Está formado por unha especie de   armazóns dobres feitas con pequenas cortizas unidas   horizontal por outras maiores e, perpendicularmente, suxeitas por unha corda que as cruza na parte interior. O bourel átase á sineira por un extremo e, polo outro, á relinga superior da rede. Para que sexa visible por outros pescadores ou embarcacións, colócaselle na parte superior unha póla de loureiro.