Boas Novas

Revista galega editada no ano 1929 en Caracas, capital de Venezuela. Foi subtitulada “Boletín informativo mensual da Irmandade Galega”. A coordinación xeral estaba a cargo da secretaría de relacións públicas da Irmandade. A revista daba conta das actividades deste centro galego, con información sobre deportes, actuacións de grupos de baile tradicional galego, de grupos de música galega, xiras de grupos galegos por Hispanoamérica, como Fuxan os ventos, ou actos conmemorativos como as homenaxes que se lle fixeron a Rosalía de Castro e Miguel Hernández. Tamén aparecían artigos literarios como un asinado por Mary Carmen Fernández sobre Manuel Antonio.