buda

Título dado a quen acada a iluminación. Segundo a tradición, o buda por excelencia, Siddhārta Gautama, estivo precedido por diversos budas (catro ou seis) e foi seguido e debe ser seguido por moitos outros. No budismo mahāyāna, o buda que retrasaba a súa entrada no nirvana para cooperar na salvación doutros seres chámase bodhisattva.

Título dado a certos grandes dignatarios do budismo do Tibet e de Mongolia. Son as encarnacións sucesivas do Buda e doutras divindades búdicas. Entre eles destaca o Dalai-lama.