bucranio

Ornamento que reproduce o cranio do boi. Propio da arte romana e retomado no Renacemento, colocábase nas metopas da orde dórica romana e ía adornado con cintas, grilandas ou discos que simbolizaban os pratos rituais para os sacrificios. Atópanse representacións de bucranios da época romana nunha fonte de Tomonte (Vilardevós), nunha ara de Espiño e nun capitel atopado no barrio de San Roque de Lugo.