² bufo

Rapaz nocturna da familia dos estríxidos de gran tamaño que adoita presentar penachos na parte superior da cabeza semellantes ás orellas. A plumaxe é de cores crípticas, ocres ou castañas, e cun deseño riscado que, en conxunto, fai que a ave se confunda coa cortiza das árbores ou penedías, onde permanecen repousando durante o día. O voo é silandeiro e pousado. Non fan niño de seu, senón que acomodan grandes niños abandonados por outras aves, situados en cavidades rochosas ou en árbores de gran tamaño. Aliméntanse xeralmente de presas grandes e non realizan desprazamentos migratorios.

Bufo de ata 55 cm de lonxitude que presenta formas de tonalidades distintas, que van dende a cor da area ata o marrón escuro, dependendo do ambiente onde viven. Distribuído por toda América, ocupa dende o deserto rochoso ata os bosques de coníferas.

Bufo de ata 70 cm de lonxitude e aproximadamente 2 m de envergadura, que constitúe a maior das rapaces nocturnas europeas. Está presente en Eurasia e norte de África, asociado á dispoñibilidade de coellos, que constitúen a presa fundamental, e de paredes rochosas onde aniña, aínda que tamén pode facelo en árbores. En Galicia estas condicións ofrécenselle principalmente no sueste do país.

Bufo de ata 58 cm de lonxitude, que se distingue pola plumaxe mesta e branca e pola ausencia de orellas. Habita na tundra ártica e aliméntase principalmente de lemmings e lebres, que caza tanto de día como de noite. En anos de escaseza de presas fan desprazamentos a latitudes máis meridionais.

Bufo de 39 cm de lonxitude que vive en zonas arboradas con claros e prados de gran parte de Europa, parte central de Norteamérica, Asia central e norte de África. Aliméntase principalmente de roedores.

Bufo de 42 cm de lonxitude de patas espidas de penuxe e longas uñas. Na parte inferior das garras presenta unhas escamas afiadas que facilitan a captura das presas esvaradías das que se alimenta. Os peixes constitúen o groso da dieta xunto con anfibios e caranguexos. Vive nos bosques da ribeira do sueste asiático dende Birmania e Borneo ata Xava e hai unha pequena poboación en Oriente Medio.