camélido -da

Relativo ou pertencente aos camélidos.

Mamífero que pertence á familia dos camélidos.

Familia de mamíferos, a única existente da suborde dos tilópodos, integrada por individuos de dimensións grandes, de pelame abundante, con dúas dedas unicamente; os pezuños quedan reducidos a verdadeiras uñas, e as dedas rematan en coxíns elásticos e calosidades. A súa dentadura é completa e non teñen nunca cornamenta. O estómago está dividido en tres cavidades (rume, retícula e calleira); a parede do rume está formada por unha gran cantidade de divertículos que conteñen células acuíferas nas que almacenan auga metabólica. A esta familia pertencen os camelos, as llamas e as alpacas.