característico -ca
(
-
adx
Aplícase ao que serve para caracterizar.
Ex: As propiedades características do medicamento anularon a grave enfermidade que padecía.
Sinónimos: particular, peculiar, particular. Antónimos: común, corrente, corrente. -
s
f
Propiedade ou trazo polo que se diferenza e distingue unha persoa, animal ou cousa das demais.
Ex: As características da radio pódense consultar no folleto informativo que está dentro da caixa. Ten como característica máis salientable a constancia no traballo.
Sinónimos: calidade. -
s
Actor de teatro especializado na interpretación de personaxes de idade avanzada ou que precisan dalgún tipo de transformación (en contraposición a papeis de galán, galán adolescente, dama, dama adolescente, etc).
-
s
f
[MAT]
Cifra ou cifras que indican a parte enteira dun logaritmo.
-
curva característica
[TECNOL]
-
Curva que representa a relación entre dúas ou máis magnitudes referidas ao funcionamento dun elemento, compoñente, transdutor, dispositivo electrónico, etc. Teñen unha grande importancia as dos tubos e mais as dos transistores, que se utilizan para determinar o funcionamento correcto. Hai que diferenciar entre a característica estática (funcionamento sen carga e con réxime continuo) e a característica dinámica (con carga e réxime alterno). As características máis comúns son as de entrada, as de saída e as de transferencia.
-
Curva determinada experimentalmente que representa as variacións dunha das variables da máquina, aparello, motor, etc, en función doutra.
-