carenar

Facer a carena ou poñer a carena a unha embarcación.

Reparar o casco dunha embarcación, especialmente. Todos os cascos construídos en madeira débense pintar completa e regularmente con algunha pintura especial e antiinscrustante, xa que algúns moluscos poden chegar a facer perigar a solidez e consistencia do buque.

Tumbar o barco ata que quede a quilla ao descuberto. Trátase dunha operación que ten como obxecto facilitar as reparacións e a limpeza do casco. Este é un procedemento de emerxencia cada vez menos empregado, xa que se corre o perigo de castigar a embarcación e cómpre baleirala. Nos portos de marea o procedemento de carenar a embarcación emprégase poucas veces, xa que a miúdo abonda con varala na praia entre dúas mareas.