² cata

Ave arborícola da familia dos psitácidos, de corpo alongado e cola moi longa. Habitualmente presenta plumaxe de cor verdosa, o que lle permite pasar desapercibida no alto das árbores, e o peteiro curto e con forma de gancho. Aliméntase de gromos e froitos, incluídos os dos cultivos agrícolas. Orixinarias de países tropicais, trouxéronas como aves ornamentais aínda que xa se atopan asilvestradas nalgúns puntos de Europa.

Ave de 30 cm de lonxitude que ten a fronte, a gorxa e o peito de cor cinsenta, as plumas remeiras das alas de cor azul e o peteiro de cor ocre clara. Vive en colonias numerosas e constrúe grandes estruturas nas árbores con paos que ela mesma corta e que lle serven para aniñar e durmir. Orixinaria de Sudamérica, foi introducida no leste de Norteamérica, nas Bahamas e en Puerto Rico, así como nas Rías Baixas galegas e na costa mediterránea da Península Ibérica.

Ave de 40 cm de lonxitude, de cola moi longa, coa mandíbula superior do peteiro vermella escura e a inferior negra. O macho presenta unha franxa no pescozo de cor negra e rosada. Aniña nos ocos das árbores e é orixinaria da sabana africana e asiática, aínda que tamén está presente en distintos puntos de Europa, entre eles en cidades mediterráneas da Península Ibérica.

Ave de 38 cm de lonxitude, de cabeza, peito e costas de cor cinsenta, alas e cola verdes azuladas e colar negro e turquesa. É natural do SO da India e aniña en buracos.