cautela

1. s f

   1. Actitude prudente ante un perigo probable.

      Ex: Se vas facer unha viaxe tan longa, ten moita cautela conducindo.

      Sinónimos: caución, precaución, prudencia.

   2. Precaución tomada para pasar desapercibido ou coidado que se pon ao levar a cabo algunha cousa.

      Ex: Saíu da casa con tanta cautela que non nos decatamos.

2. s f

   Documento que antigamente acreditaba a recepción dunha cousa.

3. cautela sociniana [DER]

   Condición que impón un testador nun legado a un lexitimario. Deste xeito, este último, se reclama contra o testamento, ten que conformarse só coa lexítima estrita e perder o exceso da liberalidade outorgada. A idea deste procedemento atribuíuselle ao xurista do s XVI Mariano Socino o Novo, do que tomou o seu nome.

Refráns

• Tapa a túa casa, cando o cerralleiro pasa.
• ¡Deus poña tento nas túas mans!