Celtiberia

Antiga rexión da Península Ibérica na que se asentaron os pobos celtiberos desde a segunda metade do I milenio a C. Comprendía dous bloques espaciais: o primeiro englobaba a conca central do río Ebro e as terras que avanzaban ata os límites de Aragón e Nafarroa, e tiña a súa fronteira norte no Pireneo axial e nos vales transversais, desde o de Salazar ata o alto Sobrarbe. O Sistema Ibérico serviu de límite e territorio de transición entre a depresión do Ebro e o segundo bloque constituído polas dúas mesetas.