choca

1. s f

   1. Instrumento de metal semellante a unha campaíña que se colga no pescozo dalgúns animais para poder localizalos e para que guíen o rabaño.

      Ex: A vaca que levaba a choca sabía ben o camiño de volta.

      Sinónimos: chocallo, cinzarra, cinzarro.

   2. Campaíña que levan pendurada ao van algúns personaxes populares do entroido, como os cigarróns e choqueiros, para facer ruído ao correr no lugar destinado á celebración. Ex: Está a vestir o cigarrón no seu cuarto e só lle queda pendurarlle as chocas.

      Ex: Está a vestir o cigarrón no seu cuarto e só lle queda pendurarlle as chocas.

2. s f

   Campá que non soa ben porque ten unha fenda. Na tradición oral recóllense ditos como: “Tempo ten a choca, e tempo ten o que a toca”.

3. s f

   Nome e apelidos acompañados dun trazo particular que se usa para asinar un documento.

   Ex: Cando firmaba, nunca facía a mesma choca.

   Sinónimos: rúbrica, firma. Confrontacións: sinatura.
4. s f

   Xogo infantil que consiste en que un dos xogadores ten que tocar ou coller a un ou ao resto dos participantes.

5. s f

   Termo do latín dos chafoutas, ou xerga dos albaneis, que corresponde á voz ‘campá’.

Frases feitas

• Andar tocando a choca/chota. Falar de máis.

• Mornear as chocas. Ser astuto e saber desenvolverse na vida.