"Adam" (Contén)

1. Relativo ou pertencente ás linguas do grupo adamaua-ubanguiano.

2. Grupo de linguas da familia níxero-congolesa. É coñecido tamén como adamaua-oriental. Non é doado establecer unha clasificación definitiva malia que o sistema de sufixos do subgrupo adamaua e de prefixos do subgrupo ubanguiano semellan probar o parentesco cos outros grupos da póla.

MACIZO

Macizo dos Alpes Réticos, Italia, no límite da Lombardía e o Trentino. Constituído por rochas graníticas, contén numerosos glaciares. Culmina cos 3.554 m do monte Adamello. Salienta o seu carácter turístico.

PERSOEIRO

Pintor. Despois dunha etapa expresionista, que evolucionou cara ao Surrealismo, contra o ano 1968 concretou o seu estilo nunha figuración descomposta en elementos caligráficos. Por unha serie de trazos -emprego de cores planas e netas ou recurso á fotografía- a súa obra achégase ao pop-art.

1. Pertencente ou relativo ao adamismo.

2. Persoa que vai núa a imitación de Adán.

1. Relativo ou pertencente aos adamitas.

2. adámico.

PERSOEIRO

Abade (679) do mosteiro de Iona, en Irlanda. Contribuíu á introdución do rito romano no seu país. Foi un dos escritores máis importantes do mosteiro de Iona, sendo de gran valor histórico a súa vida de santo Columbano. Foi venerado como santo en Escocia e Irlanda.

PERSOEIRO

Dramaturgo de orixe armenia, de formación francesa e residente en París dende 1924. Participou como poeta e xornalista no superrealismo e dende 1950 converteuse nunha das figuras máis sobranceiras do teatro do absurdo, con obras como La grande et la petite manoeuvre (A gran e pequena manobra, 1950) e Le ping-pong (O ping-pong, 1953). En 1955 iniciou unha nova etapa coas obras Paolo Paoli (1957) e Printemps 71 (Primavera 71, 1960), con temas e técnicas do teatro épico. La politique des restes (A política dos demais, 1962) presenta a relación entre a neurose individual e o seu trasfondo social e político.

PERSOEIRO

Músico, escritor, profesor e fotógrafo norteamericano. No ano 1932 formou con Edwar Weston e outros o Grupo f64, que tomaba o seu nome da abertura mínima das cámaras daquel tempo, e dirixiu un curso de fotografía na Escola de Belas Artes de San Francisco dende a posguerra da Segunda Guerra Mundial. Fotógrafo da natureza, realista, tratou as súas realizacións polo chamado sistema de zonas. Tiraba do enmarque toda a significación plástica e emocional valorando todos os planos da imaxe xa na fase de negativo. Para as copias empregou un sistema propio chamado heliotipo de tons medios xunto con cores especiais.

PERSOEIRO

Diplomático norteamericano fillo de John Quincy Adams. Destacou na campaña antiescravista e foi fundador do Partido Republicano. Foi embaixador en Londres (1861-1868) e representante dos EE UU na arbitraxe internacional da cuestión de Alabama (1882). Publicou Life and Works (Vida e obra, 1850-1856) de John Adams e unha parte do diario do seu pai (1874-1877).

PERSOEIRO

Político irlandés. Activista político dende o ano 1969. Apresado en marzo de 1972, as autoridades británicas liberárono para que encabezase unha delegación do IRA a Londres no mes de xullo dese mesmo ano. Volveu ser feito prisioneiro en 1973, pero deu escapado e cruzou a fronteira cara á República de Irlanda. Vicepresidente do Sinn Fein entre 1978 e 1983, accedeu á presidencia nese ano. Deputado do Sinn Fein dende 1984 ata 1992. Ao comezo da década dos noventa converteuse no principal negociador dos católicos norirlandeses. Estableceu contactos entre o ano 1992 e 1994 con John Hume, líder do Partido Socialdemócrata e Laborista de Irlanda do Norte, logrando o primeiro cesamento das armas do IRA en vinte anos, o 31 de agosto de 1994. Malia que o IRA rompeu a tregua en febreiro de 1996, as conversas para a paz reanudáronse en setembro de 1997, alentadas por Tony Blair, Primeiro Ministro británico dende maio dese ano, que implicou nas negociacións a Bill Clinton e Bertie Ahern. En marzo de...

PERSOEIRO

Filósofo, educador e pedagogo escocés. Impulsou as concepcións da pedagoxía activa.

PERSOEIRO

Compositor e director de orquestra norteamericano. Autor de numerosas obras para orquestra, Christian Zeal and Activity (Christian Zeal e Activity, 1973) e das óperas Nixon in China (Nixon en China) e The Death of Klinghoffer (A morte de Klinghoffer, 1991).

PERSOEIRO

Estadista norteamericano. No 1755 graduouse en Dereito. Foi deputado por Massachussetts, redactou a Declaración de Dereitos (Bill of Rights) deste estado e dirixiu a protesta contra a Stamp Act (1765). Uniuse aos radicais e foi delegado no Primeiro Congreso Continental de Filadelfia (1774). Participou na redacción da Declaración de Independencia. Realizou misións diplomáticas en Francia (1778, 1780) e interveu nas negociacións do tratado de paz co Reino Unido do 1783. Foi o primeiro Embaixador norteamericano na Gran Bretaña (1785). O Partido Federalista conduciuno á Vicepresidencia (1789-93 e 1793-96) e á Presidencia (1797-1801) dos EE UU. Mantivo unha guerra encuberta con Francia á que puxo fin o tratado de 1800. Nas eleccións do 1800 foi derrotado por Jefferson. Publicou Defence of the Constitution of the United States (Defensa da Constitución dos Estados Unidos, 1787).

PERSOEIRO

Astrónomo. No 1845, simultánea pero independentemente de Le Verrier, demostrou matematicamente a existencia do planeta Neptuno; así mesmo, estudiou as irregularidades da órbita de Urano, o magnetismo terrestre, as Leínidas e o movemento secular medio da Lúa.