"FAI" (Contén)

1. Árbore de ata 40 m altura, de cortiza lisa e cinsenta, e copa ampla de follaxe densa, caracterizada por presentar gromos delgados e aguzados; follas elipsoidais e enteiras, con pelos nos nervios do envés e pecíolo curto, dispostas de xeito alterno; flores masculinas -en amentos pendurantes e globosos- e femininas -dúas ou tres flores dentro dun involucro- en acios separados sobre a mesma árbore e de polinización entomógama; e froito en aquenio trígono, de 25 mm de lonxitude, dehiscente en 4 valvas e dispersión zoócora. As sementes, comestibles para o home, empréganse para cebar o gando e obtíñase un aceite que se empregaba para cociñar no N de Europa. As faias producen os primeiros froitos entre os 20 e os 25 anos, aínda que non son viables ata que a árbore ten 40 anos -no caso de exemplares illados- ou 55 anos nos bosques densos. A madeira é dura, de gran fino e cor amarela, con pequenos riscos acastañados. Emprégase en ebanistería e tornería. Tamén resulta un bo combustible e é apreciada...

2. Madeira desta árbore.

1. Último piso da casa situado inmediatamente debaixo do tellado e que adoita ser de madeira.

2. Teito dun cuarto feito con táboas de madeira.

ILLAS

Illa do arquipélago dos Açores, no extremo occidental do grupo central (168 km2; 14.920 h [1996]). De orixe volcánica, é a illa do arquipélago onde os movementos sísmicos son máis intensos. No centro da illa está o volcán extinguido da Caldeira ou Cabeço Gordo, que culmina a 1.021 m de altitude e que acolle no seu interior unha caldeira de 500 m de fondo.

GALICIA

Escultor. Aprendeu o oficio de canteiro en Piñor, onde transcorreu a súa infancia. Con dezaseis anos trasladouse a Ourense para estudar na Escola de Artes e Oficios, onde foi profesor de modelado e baleirado (1940-1956). En 1934 obtivo unha bolsa da Deputación para ampliar os seus estudios como alumno libre na Real Academia de Bellas Artes de San Fernando de Madrid durante ano e medio. En 1949 fixo a súa primeira exposición en Ourense e, ao ano seguinte, expuxo en Vigo no Foto-Club, mostra que serviu para o seu descubrimento como escultor. En 1951 participou na exposición colectiva da arte galega organizada pola Galería Velázquez de Bos Aires e, dous anos despois, realizou unha individual na que acadou un grande éxito e o recoñecemento da crítica, apoiada polos intelectuais galeguistas da época. Desde 1956 dedicouse a traballar nas numerosas encargas que recibiu de particulares e organismos públicos, sobre todo de estatuaria pública. Ao mesmo tempo, realizou numerosas exposicións tanto...

PUBLICACIÓNS

Publicación aparecida en Barcelona en 1990, editada conxuntamente por Faipac e Ediciós do Castro. Subtitulouse “Formas de análise e de intervención no patrimonio construído”. Centrada no eido da arquitectura, incluía estudios, textos e documentos, algúns de carácter histórico, en que se trataba a construción de teatros, estacións de ferrocarril, monumentos, etc. Ademais, engadíronse, xunto aos textos, numerosas fotografías e gráficos detallados.

PERSOEIRO

Enxeñeiro inglés. Foi un pioneiro na utilización do ferro para a construción de naves e pontes. Colaborador de R. Stephenson e membro da Royal Society (1850), escribiu numerosas obras sobre as aplicacións do ferro na enxeñería.

PERSOEIRO

Militar inglés. Terceiro barón de Fairfax of Cameron, dirixiu as forzas parlamentarias durante a Guerra Civil, reorganizou o exército e obtivo a vitoria de Naseby (1645). Opúxose á condena do Rei Carlos I (1650) e negouse a encabezar a expedición contra os escoceses, polo que foi substituído por O. Cromwell.

CIDADES

Cidade da provincia do Punjab, Paquistán, na marxe dereita do río Chenāb (1.104.209 h [1981]). As principais actividades económicas son a agricultura e a industria alimentaria. Tamén é un importante centro comercial. Foi fundada por sir James Lyall en 1895, polo que se denominou Lyallpur. En 1977 cambióuselle o nome, en recoñecemento ao Rei Fay Palatino; ṣ āl de Arabia Saudí.

ILLAS

Pequena illa do Mar Cantábrico, na desembocadura do río Bidasoa, entre Hondarribia (Gipuzkoa) e Hendaye (Pyrénées Atlantiques, Francia). Escenario de contactos e transaccións políticas entre as coroas francesa e española, dende 1902 constitúe un condominio de España e Francia, que comparten a súa soberanía.