"Roo" (Contén)

PERSOEIRO

Astrónomo norteamericano de orixe inglesa. Director do observatorio William Smith en Geneva, é un dos introdutores da fotografía na astronomía. Descubriu 26 cometas; un deles, de 6,9 anos de período que se descubriu no 1889 e que leva o seu nome.

PERSOEIRO

Cirurxián e paleontólogo. Logo de dedicarse á medicina en Australia, explorou o deserto do Karroo (Sudáfrica), onde localizou numerosos fósiles de réptiles e mamíferos que lle serveron de base para o seu estudo sobre a transición dos réptiles aos mamíferos, traballo polo que lle outorgaron a medalla da Royal Society en 1928. En 1935 iniciou a escavación de Sterkfontein, onde atopou o Plesianthropus e, en 1938, a de Kromdraai, onde atopou o Paranthropus. O seu traballo, xunto co de Raymond Dart, serviu de base para identificar os Australopithecus como antepasados da humanidade e para localizar en África o berce da humanidade. É autor de Finding the missing link (En busca do elo perdido, 1950).

PERSOEIRO

Guitarrista e cantante estadounidense. Foi un dos intérpretes máis importantes de blues. Estudiou os spirituals e baladas do s XIX.

1. Relativo ou pertencente ás croococais.

2. Cianobacteria da orde das croococais.

3. Orde de cianobacterias unicelulares, arredondadas, agrupadas en pequenos grupos ou en colonias mediante abundante mucilaxe producida por xelificación das membranas. As células divídense por bipartición e as colonias por fragmentación. Algunhas orixinan colonias irregulares e planctónicas, como as do xénero Microcystis, ou regulares, como as do xénero Merismopedia. Outras especies, como Glococapsa e Chroococcus, revisten superficies somerxidas ou rochas e paredes húmidas.

PERSOEIRO

Físico e químico. Estudiou no Royal College of Chemistry. En 1854 acadou o posto de inspector no departamento de meteoroloxía do observatorio de Radcliffe (Oxford) e en 1855 obtivo a cátedra de Química na Universidade de Chester. Trasladouse ao ano seguinte a Londres. Fundou e dirixiu o Chemical News (1859-1906) e o Quaterly Journal of Science. En 1861 descubriu e illou por primeira vez o talio e estudiou as súas propiedades. Construíu o radiómetro (1875) e inventou o tubo electrónico que leva o seu nome. Descubriu os raios catódicos, investigou o espectro do helio e deseñou un detector de partículas radioactivas, o espintariscopio (1903). Escribiu diversas memorias, nas que expuña as súas investigacións, e Select Methods in Chemical Analysis (Métodos selectos na análise química, 1871).

PERSOEIRO

Lóxico e filósofo da matemática norteamericana. Profesor da Universidade de Pennsylvania, foi o creador da lóxica combinatoria ao sistematizar a teoría esbozada por Schönfinkel durante o segundo decenio do s XX. Traballou tamén nos campos da metalóxica e da fundamentación das matemáticas, adscrito en todo á escola formalista. É autor, xuntamente con Robert Feys, de Combinatory Logic (Lóxica combinatoria, 1958).

1. Relativo ou pertencente á electroóptica.

2. Cambio nas propiedades ópticas dun cristal piezoeléctrico cando se lle aplica unha diferenza de potencial eléctrico. Os cristais que presentan esta propiedade empréganse como moduladores de luz.

PERSOEIRO

Humanista holandés. Coñecido como Hugo Grotius ou Grocio, formouse en leis en Orléans e tras regresar ás Provincias Unidas converteuse no procurador xeral da provincia de Holanda (1607). Defensor das ideas do arminianismo, o seu intento de mediar no conflito relixioso levouno a ser condenado a cadea perpetua (1619). Tras fuxir a París, foi nomeado embaixador de Suecia nesta cidade (1634-1644). Centrou os seus estudios no ámbito da filosofía do dereito e foi considerado un dos fundadores do dereito internacional moderno e da teoría racionalista do dereito natural. Das súas obras destacan Mare liberum (1609), De iure belli ac pacis (1625) e De veritatis religionis christianae (1627).

ILLAS

Illa próxima á costa meridional de Australia, no Océano Índico, pertencente ao estado de Australia Meridional (4.351 km2).