"Valle" (Contén)

PERSOEIRO

Militar. Coñecido como Cachamuíña, durante a Guerra de Independencia o xeneral De La Romana designouno (marzo de 1809) xefe do rexemento de Lobeira (Bande). Instalou o seu cuartel en Boborás e formou un exército de voluntarios cos que derrotou as tropas do mariscal Soult na Batalla de Pazos de Arenteiro. Destacou no derribo das portas da Gamboa, na reconquista de Vigo e, posteriormente, foi nomeado gobernador militar de Vigo, comandante da praza de Tui e xefe da Lexión de Voluntarios.

GALICIA

Actriz e dramaturga. Vinculada á Compañía Matarile, na Sala Galán en Compostela desenvolveu a súa actividade como directora de escena en espectáculos como Andante, Zeppelín número 7, Negro e Negro, Teatro para camaleóns, The Queen is dead ou A brazo partido. Tamén participou na realización de coproducións con compañías como Provisional Danza, Cambaleo ou Andrés Corchero, a organización de cursos de formación teatral, coloquios e conferencias ou a coordinación do Festival La Alternativa e do Festival de Danza En Pé de Pedra. Recibiu o Premio María Casares de dirección de escena (2000) por The Queen is dead.

PERSOEIRO

Eclesiástico e arqueólogo. Bispo de Astorga en 1886, encargoulle a Gaudí a construción do palacio episcopal. Fundou un Museo Arqueolóxico no Seminario.

DEPARTAMENTOS

Departamento de Uruguay (10.016 km2; 61.085 h [1996). A capital é Minas (37.146 h [1996]).

MUNICIPIOS

Municipio da provincia de Barcelona, Catalunya, situado no Vallès Oriental, no fondo da depresión Prelitoral (7.238 h [2001]). Na agricultura destacan os cultivos de trigo, alfalfa, orxo e patacas. Posúe gandería bovina e granxas avícolas e de coellos. Na industria, o sector téxtil moi mportante na década de 1970, está sendo substituído polo dos plásticos.

PERSOEIRO

Avogado e político. Fundou e dirixiu L’Opinió (1928-1929), en que definiu o republicanismo catalanista de esquerda. Membro do Parlament de Catalunya e conselleiro de Fomento, encabezou o goberno da Generalitat como primeiro conselleiro (1932-1933). Formou parte do goberno de concentración formado por Companys en 1934 e foi ministro de Traballo, Sanidade e Previsión nos gobernos de Casares Quiroga e Giral (1936).

PERSOEIRO

Escritor colombiano. Formouse na Universidad Pontificia Bolivariana e colaborou no xornal El Sol. Creador, xunto con Gonzalo Restrepo e Jaime Sanín, do grupo La Tertulia, houbo de exiliarse por motivos políticos (1948-1957). Da súa extensa produción destacan La tierra éramos nosotros (1945), El día señalado (1964, Premio Nadal 1963), Las muertes ajenas (1979), La casa de las dos palmas (1988, Premio Rómulo Gallegos 1989) e Soledumbres (1990). Foi nomeado doutor honoris causa pola Universidad Nacional de Colombia.

MUNICIPIOS

Municipio da provincia de Barcelona, situado no Vallès Oriental, Catalunya (47.270 h [2001]). Debido á industrialización e á urbanización a grande escala do solo, a agricultura está en franca regresión. Posúe industria metalúrxica, química, téxtil, de produtos alimentarios, do coiro, do papel e artes gráficas, de transformacións do caucho e da construción.

PERSOEIRO

Arquitecto. Traballou no estudo de F. J. Sáenz de Oiza e con Jorn Utzon en Dinamarca e alcanzou o grao de chairman do Departamento de Arquitectura da Graduate School of Design de Harvard. Das súas obras destacan o edificio Bankinter de Madrid (1972-1976), con R. Bescos, o Museo de Arte Romano de Mérida (1980-1986), a estación de Atocha en Madrid (1984-1992), o Auditorio de Barcelona (1993), o Auditorio Kursaal de Donostia (1999) e a catedral de Los Angeles (2000). Posteriormente proxectou os museos de arte moderno e arquitectura de Estocolmo e a ampliación do Museo del Prado. Recibiu o Premio Pritzker (1996), o Premio da UE Mies van der Rohe polo Kursaal (2001) e a medalla de ouro do Círculo de Bellas Artes de Madrid (2001).

MUNICIPIOS

Municipio da provincia de Barcelona, Catalunya, situado no Vallès Oriental, no baixo val do Mogent (12.868 h [2001]). A agricultura está en regresión e a gandaría está representada por algunhas granxas industriais. Os sectores industriais de maior produción son o químico, o metalúrxico e o alimentario.

PERSOEIRO

Xurista e política. Foi a primeira presidenta xeral de Nuevas Generaciones do PP (1977-1978), senadora (1986-1989), deputada (1989-1999) e ministra de Agricultura, Pesca e Alimentación (1996-1999). É vicepresidenta da Comisión Europea, comisaria de Transportes e Enerxía e de Relacións co Parlamento Europeo desde 1999 e presidenta do consello de Política Social do PP desde 2004. Recibiu a Medalla de la Orden del Mérito Constitucional (2003) e a Medalla de Ouro de Galicia (2003).

PERSOEIRO

Politicóloga, xurista e política. Foi vicepresidenta do consello dos Colexios de Avogados Europeos e presidenta do consello executivo da Academia de Dereito Europeo. Foi eurodeputada polo PP (1994-2002), membro da Convención Europea e ministra de Asuntos Exteriores (2002-2004). Recibiu a Gran Cruz de la Real y Distinguida Orden Española de Carlos III (2004).

MUNICIPIOS

Municipio da provincia de Barcelona, Catalunya, situado en Vallès oriental (14.983 h [2001]). A súa base económica é a industria, en que destacan o sector téxtil, químico, de transformacións metálicas, de construción, de alimentación, e de artes gráficas.

MUNICIPIOS

Municipio da provincia de Barcelona, Catalunya (7.748 h [2001]). A agricultura está en lixeira regresión e hai granxas de gando bovino e aves de curral. A partir de 1960 iniciouse un proceso de industrialización do que destacan as fábricas téxtiles, as de xoguetes e as alimentarias.