"XT" (Contén)

PERSOEIRO

Dramaturgo e guionista cinematográfico. Acadou importantes éxitos teatrais con Flowering Cherry (Cariño florecente, 1957) e A Man For All Seasons (Un home para todas as estacións, 1960). Como guionista de cine destacou co seu traballo en Lawrence of Arabia (Lawrence de Arabia), Doctor Zhivago (Doutor Zhivago) e Ryan’s Daughter (A filla de Ryan).

PERSOEIRO

Compositor e organista alemán. Cara ao 1668 foi organista e Werkmeister da Marienkirche de Lübeck. Considérase o máis destacado representante da escola alemá do norte do s XVII e o máis importante dos precursores de Bach. Gran parte da súa produción instrumental é para órgano e compuxo, ademais, cantatas e concertos sacros, resultado de musicar textos dos Salmos. Tamén compuxo suites e pezas para clave e música vogal profana.

PERSOEIRO

Escritor e tipógrafo inglés. Entre 1471 e 1472 aprendeu a arte tipográfica en Colonia e en 1473 montou unha prensa en Bruxas. No ano 1476 instaurou a primeira imprenta inglesa en Westminster. O primeiro impreso inglés rexistrado é The Dites or Sayenges of the Phylosophers (1477).

PUBLICACIÓNS

Publicación bilingüe que saíu por primeira vez en xuño de 1988 en Ferrol co subtítulo de “Plan de prevención y reinserción del barrio de Caranza”. Informaba sobre o traballo que realizaban tanto os servicios asistenciais como as asociacións e colectivos do barrio baixo o epígrafe de Plan de Prevención e Reinserción de Drogodependencias. Ademais, tratou temas relacionados co fracaso escolar, o deporte, o lecer e os talleres ocupacionais.

1. Mestura de varias cousas.

2. Modo de adquisición da propiedade mediante a mestura de dúas ou máis cousas que se compenetran e confunden, de tal modo que non se poden distinguir nin separar. É unha forma de adquirir a propiedade de bens mobiliarios por accesión. Se os bens se mesturaron por casualidade, por mutuo acordo dos seus propietarios ou por vontade dun só deles con boa fe, queda constituído un condominio e cada un dos propietarios posúe un dereito proporcional á parte que lle corresponde.

3. Na misa, rito que segue ao da fracción e que consiste en tirar dentro do cáliz un bocado de pan xa consagrado.

1. 1. Conxunto de ideas ou de feitos contidos nun escrito ou discurso que permiten determinar o sentido ou o valor dun fragmento, dunha frase ou dunha palabra que alí aparece.

   2. contexto fonético

      Conxunto de sons que rodean un fonema. Así o /n/, segundo o contexto, ten valor alveolar [n] (nave) ou velar [?] (fun).

2. 1. Conxunto de circunstancias que rodean e explican un acontecemento, unha situación, ou calquera outro feito.

   2. Condicións espacio-temporais que inflúen, segundo a teoría de Gestalt, na percepción de calquera obxecto ou estrutura.

   3. contexto cultural

      Conxunto de institucións, códigos estéticos, correntes artísticas, normas estilísticas, así como o sistema conceptual formado por costumes, tradicións, ditos, valores, mitos ou tópicos vixentes nunha sociedade, época ou escola definidas, que condicionan a existencia de determinados produtos (unha manifestación artística concreta, por exemplo), á vez que explican o seu significado.

1. Acción de contextualizar.

2. Proceso semiótico segundo o que unha mensaxe se insire noutra e dá lugar a un texto coherente para o seu destinatario. Permite, tamén, eliminar a ambigüidade dun enunciado que, recibido de forma illada resultaría incoherente ou difícil de descifrar.

1. Disposición e unión das partes constituíntes dunha cousa, en especial de certos tecidos orgánicos.

2. Configuración física dunha persoa.

ENTRADA LARGA

Demarcación territorial que abranguía os lugares de Rubiás e Santiago (que constitúen a actual parroquia de Rubiás dos Mixtos) e o de Meaus (na parroquia de Tosende), no val do río Salas (comarca da Limia). Tiña como principal peculiaridade unha certa autonomía con respecto a España e Portugal (estados que compartían a súa soberanía nominal), feito que lles concedía aos seus veciños diferentes privilexios como a decisión da súa propia nacionalidade, a exención de tributos e obrigas persoais (servicio de armas), liberdade de cultivos e de comercio nos dous reinos, dereito á posesión de armas sen necesidade de licencia, etc.
Particularidades administrativas e privilexios
O Couto Mixto gozaba dun réxime de amplo autogoberno, malia que os seus habitantes estaban sometidos no contencioso e no criminal á xurisdición dos xulgados de Montealegre e Xinzo de Limia, respectivamente e consonte á súa nacionalidade portuguesa ou española. Eclesiasticamente, pertencían á diocese...