"uru" (Contén)

Revista de poesía bilingüe aparecida en 1952 en Ferrol. Despois de dúas épocas finalizou a súa edición en 1960, cando chegaba ao número 11. Foi dirixida por Tomás Barros, Miguel C. Vidal e Mario Couceiro. Colaboraron con poesías, entre outros: Luís Pimentel, Álvaro Cunqueiro, Aquilino Iglesia Alvariño, Novoneyra, Carballo Calero, Eduardo Moreiras, Miguel González Garcés, Ramón Cabanillas, Celso Emilio Ferreiro, Xohana Torres e Manuel María, e con algúns textos de prosa, Otero Pedrayo e Santiago Montero Díaz. Tamén participaron os autores foráneos Vicente Aleixandre, Gabriel Celaya e Goytisolo, xunto a outros. Na ilustración destacaron Isaac Díaz Pardo e Rafael Segura Torrella. Incluíase amais dunha escolma rigorosa de poesías, unha sección dedicada á crítica literaria sobre autores xa consagrados, como por exemplo Galicia e Rosalía na poesía de Luís Pimentel de Ramón Piñeiro, López Nogueira, Leyra Domínguez e Mario Couceiro.

Revista anual editada pola Casa de Galicia de Valladolid en 1956. No seguinte ano pasou a chamarse Lar (1957-1958) e logo Abrente (1959).

Revista bimestral editada na cidade de Santa Fe (Arxentina) en setembro de 1960. Fundada, entre outros, por Xosé Neira Vilas, levaba por subtítulo “Peña Gallega Manuel Murguía”, e estaba dirixida por Antonio Ucha. Nela aparecían poemas e críticas sobre obras do propio Neira Vilas, contos de Ben-Cho-Shey e reproducións de poemas de Cabanillas e Avelino Díaz. Colaboraron tamén Leandro Carré, Fernández del Riego e Victoriano García Martí.

Revista escolar mensual e bilingüe do Colexio Marista de Ourense aparecida en 1969, que cesou en xuño de 1970. Colaboraron nela: Miguel A. González, Xosé Mª Pérez, Tacho García e Alfonso de Sás, entre outros. Nas seccións “Editorial”, “Sección del Curso” e “Sección dedicada al idioma gallego” incluía información cultural, poemas, deportes e humor, acompañada de debuxos de Gonzalo Fernández e Esteban Solleiro.

Revista editada en Montreal (Canadá) en 1974 e na que se recollía información sobre os emigrantes galegos nese país.

oceiro do colectivo de homsexuais de Galicia aparecido no ano 1975 aproximadamente e subtitulado “Boletín de la Coordinadora de Colectivos Gais de Galicia”.

Xénero de dinosauros da familia dos hadrosáuridos, propios de finais do Cretáceo, de ata 4 m de lonxitude, cabeza baixa, plana e sen crista, e bico estreito. Os xacementos principais atópanse en China e Mongolia.

Xénero de dinosauros da familia dos cetiosáuridos, propios de principios do Xurásico. É un saurópodo de ata 15 m de lonxitude e dentes planos de bordo dentado.

Ave da familia dos ardeidos ao que pertencen os abetouros.

Xénero de dinosauros saurópodos da familia dos braquiosáuridos, propios de finais do Xurásico. Podían acadar ata 23 m de lonxitude, unha altura de 13 m e un peso aproximado de 80 toneladas (equivalente a 12 machos de elefantes africanos). O esqueleto era lixeiro, con vértebras flexibles e articuladas. A cabeza, moi pequena en proporción co corpo, tiña un fociño ancho e plano con dentes puntiagudos. Os xacementos principais están localizados en America do Norte e África.

Xénero de dinosauros da familia dos diplodócidos, de ata 22 m de lonxitude de pescozo e cola moi longos e cabeza diminuta, de non máis de 55 cm de lonxitude e con dentes longos e delgados só na parte anterior da mandíbula superior. Alimentábase basicamente de follas que alcanzaba grazas ao seu longo pescozo e a erguerse sobre as patas traseiras. Igual ca os elefantes actuais, presentaban nas articulacións dos nocellos uns engrosamentos cartilaxinosos que axudaban a repartir o enorme peso do animal. Os primeiros fósiles destes animais foron descritos co nome de Apatosaurus polo que esta forma é a denominación nomeclatural correcta. Son propios de finais do Xurásico e os xacementos máis importantes están localizados en Norteamérica.

Xénero de herbas da familia das apiáceas, de follas enteiras e xeralmente lineais e flores de pétalos marelos dispostas en umbelas. En Galicia están presentes B. gerardi, en herbazais e cultivos, e B. rotundifolium, en ambientes secos.

Brullón.

envurullo.

Brullón.