"Est" (Contén)

nor-nordés.

ento fresco e persistente do nordés.

nordés.

ía marítima que une o Océano Atlántico co Pacífico percorrendo as costas setentrionais de Siberia e que atravesa o estreito de Bering. O primeiro que o explorou con éxito foi o sueco N. A. E. Nordenskiöld, que en 1875 chegou ata a desembocadura do Ienisei e en 1878-1879 fixo o percorrido de toda a ruta.

Provincia de Camerún (17.810 km2; 1.237.348 h [1987]. A súa capital é Bamenda (110.690 h [1987], situada nas montañas de Camerún.

Revista de tendencia conservadora publicada na Coruña a partir de febreiro de 1988. Subtitulada “Revista militar. Capitanía General de la Región Militar del Noroeste”, saíu cada dous meses e tivo como directores ao coronel Alejandro Martínez Posse e a Emilio Calleja Saíz desde o número 4. Sucesora das revistas Simancas e Finisterre, ocupouse dos intereses da 6ª Rexión Militar Nororeste. Incluíu artigos en que trataba asuntos sobre relixión, a bandeira e as heroicidades militares.

Xornal publicado na Coruña a partir de 31 de decembro de 1896. Cesou en 1919. De carácter católico-rexionalista, foi fundado por Xosé Lombardero e dirixido por este, Xosé Pan e Xosé G. Acuña, sucesivamente. Cun claro interese pola cultura e a literatura, centrouse máis na poesía ca na prosa. Incluíu traballos inéditos e poemas de Risco. As colaboracións editáronse no suplemento literario “Nós. Páxinas gallegas do diario da Cruña El Noroeste” aparecido entre o 17 de setembro de 1918 e o 20 de marzo de 1919. Entre 1917 e 1919 tamén incluíu outro suplemento literario “Terra a Nosa!” e logo “Bibrioteca popular galega” (a partir do 10 de febreiro de 1919), seguindo o obxectivo das Irmandades da Fala de promover unha literatura accesible ao público galego.

Xornal publicado na Coruña a partir de 1932. De tendencia republicana, foi o órgano de expresión do Partido Radical Socialista. O director do diario, J. Mejuto, formou parte dun grupo político da mesma inclinación, a Agrupación á III República. O xornal participou na polémica pola capitalidade de Galicia entre A Coruña e Santiago de Compostela.

ía marítima que une o Océano Atlántico co estreito de Bering pasando pola zona do Océano Ártico. O primeiro que o atravesou completamente foi Roald Amundsen entre 1903 e 1906.

Compañía profesional de teatro creada en 1987 coa denominación de Producións do Noroeste. Coordinada por Luma Gómez e dirixida por Eduardo Alonso, presentou, entre outros, os espectáculos Medea (1987) de Eduardo Alonso e Manuel Guede, Rei Lear (1990) de Shakespeare, Tagen Ata (1990), a partir do relato de Xosé Luís Méndez Ferrín, A grande noite de Fiz (1992) de Miguel Anxo Murado, Galileo Galilei (1993) de Bertolt Brecht, As vodas de Fígaro (1994) de Caron de Beaumarchais, A gaiola (1996) de Alfredo Conde, Unha rosa é unha rosa (1997) de Suso de Toro, Feirantes (1999), sobre textos de Álvaro Cunqueiro, A Celestina (2000) ou As damas de Ferrol (2002) de Eduardo Alonso. En 1998 coproduciu, co Teatro do Noroeste de Viana do Castelo, o espectáculo Estación Mahagonny, con dirección de Jorge Castro Guedes. Á parte desta actividade tamén publicou diversos materiais didácticos e sete números...

Denominación cristiá do conxunto dos libros da Biblia escritos despois do nacemento de Xesús Cristo, entre os anos 50 e 150 que se coñeceron en grego, posiblemente a súa lingua. Consta de 27 documentos escritos, cunha tipoloxía que abrangue os Evanxeos, catro libros que recollen os diferentes períodos e acontecementos da vida de Xesús Cristo, as Epístolas, que constan de firma, dirección, saúdo, acción de grazas, mensaxe e despedida, os Feitos dos Apóstolos, narración histórica que se presenta desde o punto de vista teolóxico, e a Apocalipse, seguramente escrita durante a persecución contra os cristiáns do Emperador Domiciano (81-96)

Revista mensual publicada en Bos Aires a partir de xaneiro de 1954. Subtitulada “Revista mensual de la Sociedad Hijos del Ayuntamiento de Coirós”, promoveuna esta agrupación de naturais do concello coruñés de Coirós que residían en Bos Aires. Incluíu información sobre as actividades da asociación, traballos sobre Galicia e algunhas colaboracións literarias.