"RM" (Contén)

Que ten forma de rama.

Expresión formal que dá a densidade de enerxía dunha radiación por unidade de enerxía e de intervalo de frecuencias a partir da teoría do corpo negro. Foi emitida por J. Rayleigh e J. Jeans, a principios do s XX, no ámbito da mecánica clásica. É a expresión asintótica da fórmula de Planck na rexión das frecuencias baixas. Tamén se coñece como fórmula de Rayleigh-Jeans.

Afección caracterizada pola aparición de crises vasomotoras nas mans e nos pés, desencadeadas habitualmente polo frío. Cómpre distinguir entre a síndrome de Raynaud, que pode aparecer no decurso de diversas enfermidades, e o fenómeno de Raynaud, que acompaña a outros trastornos.

Golpe de estado que tivo lugar o 9 de termidor do ano II (27 de xullo de 1794) na Francia revolucionaria. Os moderados provocaron a caída de Maximilien de Robespierre, feito que significou a fin do Terror (1793-1794) e do dominio xacobino na Convención Nacional e puxo o proceso revolucionario en mans dos elementos moderados.

Acción e efecto de reafirmar ou reafirmarse.

Institución creada por Filipe V pola Pragmática de 1737, co nome de Real Colegio de Farmacéuticos coa finalidade de dedicarse ao cultivo e adiantamento da farmacia, química, botánica e historia natural. Ten a súa orixe na Congregación y Colegio de Boticarios de Madrid, baixo a advocación de san Lucas e de Nosa Señora da Purificación, documentado no s XVI e en 1939 tomou o seu nome actual. As súas institucións separáronse e o Real Colegio de Farmacéuticos comezou en 1751 as primeiras leccións de botánica, xerme da facultade de farmacia. Utilizando o seu local e laboratorio, Fernando VII creou en 1804 o Colegio de Farmacia de San Fernando. Dedícase ao estudo da farmacia fomentando diversas publicacións. Concede a Medalla Carracido para premiar servizos excepcionais á farmacia. Está dividida nas seccións de Química y Física, Biología, Tecnología y Farmacogenómica, Tecnología Farmacéutica; Farmacología y Farmacoterapia, Salud Pública, Alimentación y Medio Ambiente, Historia e Legislación y...

Conxunto filharmónico que se creou en Santiago de Compostela o 29 de febreiro de 1996. No seu inicio foi dirixida polo mestre alemán Helmuth Rilling e como segundo director por Maximino Zumalave, aínda que contou con numerosos directores convidados como Enrique García Asensio, sir Peter Maxwell Davies ou sir Neville Marriner. Está composta por un número variable de instrumentistas de corda, vento e percusión e ten a súa sede no Auditorio de Galicia, en Santiago de Compostela. Nas súas actuacións contou con importantes solistas como o violoncellista M. Rostropovič, a mezzosoprano Teresa Berganza, a pianista Alicia de Larrocha ou o frautista Jean-Claude Gérard. En 1998 realizou unha serie de concertos por toda Europa e participou no Grosse Festspielhaus de Salzburgo, dentro da Semana Mozart. Ese mesmo ano comezou a gravación das sinfonías completas de Franz Schubert para a discográfica Hänssler Classic e inaugurou a primeira edición do Compostela Millenium Festival. En 1999 levou a cabo...

olver(se) armar un exército ou unha nación.

Afección caracterizada pola aparición nos peitos dunha mastite crónica con formación de múltiples quistes. Denomínase tamén enfermidade cística da mama.

Conxunto de leis aprobadas polo Parlamento británico (1832-1884), relativas á reforma do sistema electoral para a Cámara dos Comúns. A Reform Act de 1832 redistribuíu os escanos parlamentarios a favor das cidades e áreas industriais e duplicou o corpo electoral ampliando o dereito a voto aos propietarios de inmobles. A de 1867 ampliouno máis ao conceder o dereito de voto aos artesáns e aos obreiros máis acomodados. A de 1884 concedeullo aos obreiros industriais e aos agricultores.

Período da historia do cristianismo occidental que, iniciado no s XV, perdurou ata o XVII e que foi a orixe das Igrexas protestantes, dun lado, e da Contrarreforma, por outro. No s XV a Reforma era necesaria. O estamento eclesiástico centrouse na fundación de novas ordes relixiosas coa figura do clérigo regular (teatinos, barnabitas, somascos, xesuítas) e de novas ordes femininas (anxélicas, ursulinas) sen clausura, menos contemplativas e máis activas. As antigas ordes monásticas e mendicantes animaban no seu interior á formación de congregacións observantes ou de reforma que, como no caso dos capuchinos, chegaron a constituír unha orde nova. Apareceron tamén bispos preocupados pola reforma, vinculados a miúdo ás irmandades ou compañías de laicos, en Italia, ou vinculados á obra reformadora dos Reis Católicos na Península Ibérica. Outros movementos de reforma anteriores ao Concilio de Trento foron o de Jean Standonck, ao redor do colexio de Montaigu en París; o evanxelismo do grupo de J....

Lei fundamental promulgada o 4 de xaneiro de 1977 que regulou a transformación do réxime franquista nunha democracia. Foi elaborada polo goberno de Adolfo Suárez e o primeiro artigo afirmaba que a democracia española se baseaba na supremacía da lei, expresión da vontade soberana do pobo, que os dereitos das persoas son inviolables e vinculan a todos os órganos do Estado, e que a potestade de elaborar e redactar as leis correspondía ás Cortes e a súa sanción e promulgación ao rei. O artigo segundo referíase ás Cortes, compostas de Congreso e Senado, e o terceiro á reforma constitucional. As disposicións transitorias refírense ás primeiras eleccións a Cortes, reguladas polo goberno.

Conflito armado que estalou en México en 1858, tras a promulgación da Constitución de Querétaro (1857) e que supuxo unha guerra civil. Enfrontou os grupos conservadores, liderados por Félix María Zuloaga e contrarios á nova constitución, e os liberais, que a defendían e que estaban representados por Benito Juárez, quen asumiu a presidencia da república en 1858. Ao mesmo tempo, os conservadores nomearon como presidente da república a Zuloaga -substituído desde 1859 por Miguel Miramón-, de xeito que o conflito armado se tornou inevitable. Mentres que Zuloaga derrogaba desde Ciudad de México a lexislación anterior, Juárez radicalizou o programa de reformas que emprendera en 1856 e que comprendía as Leyes de la Reforma, de marcado carácter anticlerical e laico. En 1859 obtivo o recoñecemento estadounidense do seu goberno e a partir dese ano a guerra virou ao seu favor. En 1860, o xeneral liberal Jesús González Ortega derrotou as tropas de Miramón en Guanajuato e Tlaxcala, logrando entrar en...