"AND" (Contén)

Provincia dos Países Baixos (5.144 km2; 1.906.800 h [estim 1999]). A capital é Arnhem. Está limitada ao SL por Alemaña, ao S por Brabante Setentrional, ao O por Utrecht e Holanda Meridional, ao N por Ijssel e ao NL por Overijssel. Está drenada polo Rin, o Ijssel e o Mosa. Son frecuentes as granxas mixtas de explotación agrícola e gandeira. A actividade industrial concéntrase en Arnhem. O condado de Zutphen quedou unido a Gelderland no 1190, baixo o goberno do conde Odón I e transformouse en ducado con Reinaldo II (1339). Trala morte sen herdeiros de Reinaldo IV (1434) os cidadáns e os nobres do ducado elixiron sucesor a Arnaldo I, que foi derrotado e capturado polo seu fillo Adolfo I (1465). Carlos I de Borgoña liberouno (1471) e conseguiu o ducado a cambio (1473), pero o pobo rexeitouno (1477) e outorgoulle o poder a Catarina, filla de Arnaldo I, que actuou como rexente do seu sobriño Carlos II ata a súa maioría de idade (1492). Os enfrontamentos co Emperador Carlos...

Institución de concertos de Leipzig, creada en 1781 e instalada na sala do mesmo nome, que no s XIX se converteu nunha das máis importantes de Alemaña. Nela foron directores, entre outros, F. Mendelssohn, Niels Gade, A. Nikisch, W. Furtwängler e Bruno Walter.

Parella de artistas formada por Gilbert Proech e George Passmore na St. Martin School of Art de Londres, onde se suman á experimentación da corrente conceptual e deciden converter os seus corpos en arte, a través da creación de esculturas vivas, seguindo a tradición medieval dos tableaux vivants, coas que tentaban rachar as fronteiras entre arte e vida. Un dos seus primeiros traballos foi The Singing Sculpture (1969). Todos os seus traballos posteriores, The Meal, Drinking Sculpture, The Red Sculpture, están realizados nesa mesma dirección, utilizando o corpo humano como obxecto artístico, xunto con novos soportes como a fotografía e o cine. O seu traballo tivo unha considerable influencia nas orientacións de xéneros artísticos mixtos como as accións escénicas, as instalacións ou as intervencións plásticas.

Aplícase á planta que produce landras.

Que ten forma de landra.

Que se alimenta de landras.

1. Célula ou conxunto de células illadas ou agrupadas nun órgano determinado con función secretora. Teñen a propiedade de producir unha ou máis substancias de tipo xeralmente hormonal ou enzimático que actúan fóra delas. Existen dous tipos de glándulas, con capacidade para sintetizar as súas propias secrecións: as glándulas endócrinas ou de secreción interna, carentes de canle excretora, pola que os produtos da súa secreción van parar directamente ao medio interno do organismo, normalmente ao sistema circulatorio do animal; e as glándulas exócrinas ou de secreción externa que posúen unha canle ou unha rede de canles a través das que verten as secrecións a unha cavidade corporal ou ben ao exterior do corpo do animal. Son exemplos de glándulas endócrinas a glándula suprarrenal ou a glándula tiroide e, de glándulas exócrinas, as glándulas sudoríparas ou as mamarias.

2. glándula apócrina

   Cada unha das glándulas que secretan en gran cantidade substancias propias da célula, como a glándula apócrina a glándula mamaria ou a sudo-rípara da axila.

3. glándula calcífera

   Conxunto de células que se sitúan no peritoneo do intestino dos oligoquetos e que extraen residuos do sangue para vertelos ao celoma.

4. glándula ceruminosa/da cera

   Cada unha das glándulas cutáneas da abella que se sitúan en posición ventral no abdome e que secretan a cera para edificar a colmea.

5. glándula da cuncha

   Divertículo do oviduto de moitos animais ovíparos, como insectos, condroitios, réptiles e mamíferos monotremas, que secreta a cuncha dura do ovo destes animais.

6. glándula da muda

   Cada unha das glándulas propias dos insectos e dos crustáceos que secretan unha hormona, a ecdisona, indispensable para o inicio da muda nestes animais.

7. glándula do biso

   Glándula propia dos moluscos que secretan uns filamentos cos que estes animais se adhiren a unha superficie coma a das rochas ou a das cordas.

8. glándula do seno

   Glándula endócrina dos crustáceos que se sitúa na base do ollo, na que se almacena; a continuación libérase unha hormona inhibidora da muda.

9. glándula do uropixio

   Glándula de gran tamaño que se sitúa na base da cola (uropixio) da maioría das aves e que secreta un aceite co que impermeabilizan as plumas.

10. ...

Disposición das glándulas secretoras.