"Alle" (Contén)

Boletín editado anualmente pola Casa de Galicia de Nova York. O primeiro número apareceu en decembro de 1946 baixo a dirección de Víctor Fernández. Tivo varias denominacións ao longo da súa traxectoria; así, en 1946, chamouse Unidad Gallega: Casa de Galicia; en 1956, Casa de Galicia: Unidad Gallega; e en 1959, Casa Galicia: Unity Gallega of U.S. Aínda que informaba principalmente de actividades desenvolvidas pola sociedade, na súa primeira edición afirmaban ser republicanos e galeguistas, feito que reflicten os   artigos sobre Galicia e os poemas e os contos en galego. Nun comezo dividíase nas seccións: “De intereses”, “De restaurant y bar”, “De propaganda”, “De fiestas”, “De damas”, “De instrución y cultura” e “De protección y auxilio”. En 1954 incluía unha “Sección artística”, ao ano seguinte, “Ayuda mutua” e en 1965, no seu 25 aniversario, incorporaba tres seccións denominadas “Nuestra Historia”, “Segunda sección” e “Actividades Sociales”. Inclúe anuncios comerciais e fotos de sociedade...

Que ten moito cascallo.

Primeiro centro galego creado en América que se fundou o 27 de abril de 1879, presidido polo xornalista Manuel Vázquez Castro, os seus estatutos foron redactados por César Cisneros Luces, propietario do xornal El Gallego e presidente da directiva provincial. Tiña como obxectivo agrupar os galegos residentes en Bos Aires e mellorar as súas condicións de vida; entre os seus propósitos iniciais estaba a creación dunha caixa de aforros, bibliotecas e escolas, e a potenciación do desenvolvemento de actividades culturais. Desaparecido en 1892, volveu reabrirse o 2 de maio de 1907 coa presidencia de Antonio Varela Gómez. Converteuse no centro de referencia para outras institucións e asociacións nacidas en América, como A Terra (1917), a Irmandade Nazionalista Galega (1923), a Sociedade Nazionalista Galega Pondal (1925), a Institución Cultura Galega (1930) e a Organización Nacionalista Republicana Galega (ORGA). Despois da Guerra Civil converteuse nun lugar de refuxio dos políticos e intelectuais...

Foi fundado en novembro de 1879 por un grupo de galegos interesados en unir os orixinarios de Galicia en Cuba co nome de Centro Gallego. Sociedad de Instrución y Recreo. Durante os primeiros vinte anos de existencia puxo en marcha varias seccións: a de instrución, que incluía unha escola, na que ademais da formación xeral había cursos de idiomas para os socios e unha pequena biblioteca cos primeiros libros en galego do Centro; a de recreo, que organizaba bailes e veladas literarias; as de lírica e filharmonía; e a de saúde, que daba servicios sanitarios aos socios. A independencia de Cuba provocou unha serie de melloras, como a compra dos terreos nos que se construíu o novo Palacio Social (1915) e a creación, en 1906, a instancias do Centro, da Caja de Ahorros y Banco Gallego. Nestes anos tamén se levou a cabo unha importante reforma dos estatutos da institución, coa creación de novas seccións e a reforma doutras xa existentes. A sección de sanidade creou o seu propio hospital na quinta,...

Periódico informativo mensual que publicou o Centro Gallego de Toronto dende xaneiro de 1975. O director, Manuel Janeiro, tiña como colaboradores a Xavier Fernández, Estrella Janeiro e Roberto X. Fernández. Aínda que nun principio só recollía información relativa á institución, co tempo foi incorporando novos temas. Así, inseriu nas súas páxinas novas de Galicia, España ou América Latina artigos de economía, cultura, política, sociedade e deporte; seccións de ocio e anécdotas; e fotos de Galicia.

Edición especial desta publicación dedicada á colonia galega da cidade de Madrid que só sacou un número, o do 21 de febreiro de 1901. Colaboraron nela diversos escritores que achegaron artigos e poemas en castelán, como Rosalía de Castro, Manuel Murguía, Alfredo Vicenti, Emilia Pardo Bazán, Concepción Arenal, o Marqués de Figueroa, Manuel Portela Valladares, Javier Valcarce Ocampo ou Enrique Labarta Pose. Os autores que publicaron textos poéticos en galego foron Xosé Pérez Ballesteros, Xesús Muruais e Filomena Dato.

Local no que se venden ou arranxan pechaduras ou outros obxectos de ferro.

Competición deportiva estruturada nunha serie de eliminatorias sucesivas que disputan dous rivais de cada vez, e que conclúe cando se proclama vencedor o gañador da derradeira confrontación. Este termo emprégase especialmente en deportes como o tenis, o golf ou a vela.

Corveta británica de 2.306 toneladas que realizou a primeira grande expedición científica arredor do mundo para a exploración física e biolóxica dos océanos, a “Challanger Deep Sea Exploring Expedition”. Dirixida por sir Charles Wyville Thomson entre o 7 de decembro de 1872 e o 26 de maio de 1876, acadou os 127.600 km (68.890 millas náuticas). Os científicos aceptaban a teoría azoica de E. Forbes, que afirmaba a ausencia de vida no mar a partir dos 500 m de profundidade. Non obstante , en 1859 descubriuse que un cable telegráfico procedente dos fondos do Mediterráneo (2.160 m) levaba animais fixados nel. Iso motivou a exploración dos fondos abisais, co impulso de Wyville Thomson (1830-1882). A Royal Society recomendou ao Goberno británico a organización dunha expedición oceanográfica para estudar polo miúdo a masa oceánica como unidade, co obxectivo de superar os estudios tradicionais sobre a superficie dos mares e atender o crecente interese pola vida nos fondos mariños. A corveta percorreu...

Lanzadeira espacial norteamericana que efectuou o seu primeiro voo o 4 de abril de 1983. No seu décimo lanzamento, o 28 de xaneiro de 1986, estoupou pouco despois de despegar dende o Kennedy Space Center. No accidente morreron todos os seus tripulantes. O Challenger foi substituído seis anos máis tarde polo Endeavour.