"CIO" (Contén)

Agrupación socialista local, fundada en Xove en xaneiro de 1934. A constitución da organización socialista de Xove foi produto da iniciativa da Agrupación Socialista de Viveiro, como froito da estratexia de expansión desta polo ámbito parroquial.

Nome que reciben as forzas expedicionarias do Exército Español con base no acuartelamento de Figueirido (Vilaboa). Destacadas dende 1994 no territorio da antiga Iugoslavia como cascos azuis para o desenvolvemento de misións de mantemento da paz, baixo o control das Nacións Unidas (UNPROFOR).

Acción e efecto de agudizar ou agudizarse.

Editorial española fundada en Madrid no ano 1923 por Manuel Aguilar Núñez. Despois da Guerra Civil Española converteuse nunha das máis importantes en lingua castelá grazas ás coleccións de clásicos universais, nas que se inclúen tanto autores españois coma estranxeiros (Crisol e Obras eternas, etc). Publicou obras de todo tipo de xéneros, como antoloxías de teatro, libros de literatura infantil, unha enciclopedia lingüística, etc. Os atlas elaborados polo seu departamento de cartografía gozan de recoñecemento internacional. Editou tamén unha serie de discos literarios na colección La Palabra. En 1986 pasou a formar parte do grupo editorial Santillana.

Área do Alto Pireneo dunha superficie de 10.000 ha, declarada parque nacional no ano 1955. Comprende os vales de Sant Nicolau e Peguera, nos concellos de Espot e Barruera. No parque encóntranse numerosas lagoas e vales, e o cume máis alto é o Paladés (2.982 m). No nivel subalpino domina o bosque de piñeiro negro con matogueira. Tamén hai bosque de abetos e poboacións de bidueiros. En canto á fauna, pódense atopar cabras montesas, pitas do monte, perdices albares e troitas comúns. O plano de uso e xestión do parque foi aprobado no1993.

Cancioneiro da Ajuda.

Formación de aminoalcohois quentando mesturas dun aldehido aromático e dun aminoácido que conteña un grupo amina primario ou secundario.

Agrupación musical coruñesa fundada no 1928 por Uxío Rivas Rey. O seu primeiro director foi o mestre Delio Vázquez; constituíu a súa actividade principal a difusión da música de pulso (guitarra) e púa (laúde e bandurria). Dende 1981 o seu presidente é Antonio Gundín Fandiño; Enrique Rodríguez Iglesias xunto con Antonio Gonçalves Soares, son directores da Orquestra Titular e Orquestra Xuvenil “Antonio Gonçalves”, respectivamente; Severiano Estévez Freire é o director do Grupo de Cámara; Jesús Garabato do grupo “Siglo de Oro” e Antonio Pernas Pais do “Cuarteto Galante”, conxuntos integrados por bandurrias primeiras e segundas, laúdes, guitarras e percusión. A maioría dos seus compoñentes actuais formáronse no Conservatorio Profesional de Música da Coruña. O seu repertorio baséase na música clásica galega, española e estranxeira. Participa en festivais a nivel nacional e internacional acadando numerosos premios. Dende hai nove anos organiza o Festival Internacional de Música de Pulso e Púa...

Colección de gravados e debuxos reunidos en Viena polo duque Alberto de Saxonia-Teschen, dende o ano 1767 ata 1822. Consta de máis de 200.000 exemplares.

Proceso polo cal os feldespatos de diversas rochas se transforman en albita.

Medida equivalente a seis ferrados.

Acción de alcalinizar ou de alcalinizarse.

Na industria petroleira, condensación do isobuteno e de diversos butenos para formar trimetilbuteno e o chamado isooctano.

Ave fabulosa procedente da mitoloxía grega que aparece representada facendo o niño sobre as augas do mar en calma. Debía o seu nacemento á metamorfose das fillas de Alcioneo. Estaba consagrado a Tetis e considerábase o símbolo de paz. Tense identificado co picapeixe, coa gaivota, co petrel e co cisne.