"EGU" (Contén)

Organización internacional creada en Budapest o 6 de decembro de 1994, herdeira da Conferencia sobre Seguridade e Cooperación en Europa (CSCE). Nela participan 55 países de Europa, Asia e América do Norte, e ten a súa sede en Viena. Os seus obxectivos son o fomento da paz, da seguridade, da xustiza e da cooperación en Europa. A CSCE era unha organización rexional creada co obxectivo de defender a seguridade en Europa e fomentar a cooperación económica, científica, tecnolóxica, cultural e do medio natural entre os países europeos. Naceu en 1972 dunha serie de conferencias que deron lugar á Acta Final de Helsinqui sobre as relacións Leste-Oeste firmada o 1 de agosto de 1975 na Conferencia de Helsinqui. Posteriormente tiveron lugar as conferencias de Belgrado (1977-1978), de Madrid (1980-1983) e de Viena (1986-1989). As áreas de competencia da CSCE incrementáronse coa Carta de París para unha nova Europa (1990), que transformou a CSCE nunha organización consolidada no Acordo de Helsinqui (1992)....

Mantemento nun organismo do equilibrio entre a auga e os solutos osmoticamente activos (como o Na+) fronte ás condicións do medio que o rodea. A osmorregulación varía segundo o individuo se encontre no medio terrestre, mariño ou de auga doce. Algúns organismos desenvolveron sistemas para manter o equilibrio osmótico absorbendo ou excretando auga ou sales minerais. Os vertebrados teñen un sistema de reabsorción de auga nos túbulos renais moi eficiente, que está coordinado por hormonas inducidas por osmorreceptores.

Zona hipotalámica que se sitúa en ambos os dous lados da liña media e detrás dos núcleos supraópticos, cuxa función é regular a sensación indutora da inxestión de auga.

Oratorio composto por J. S. Bach sobre un libreto de F. Henrici, en que se narra a paixón, a crucifixión e a resurrección de Xesús Cristo seguindo o Evanxeo de san Mateo. Estreada en 1729 na igrexa de Santo Tomás de Leipzig, onde Bach era organista, está considerada unha das principais obras da música relixiosa do Barroco. O oratorio, dividido en dúas partes, inclúe arias, recitativos e corais. Despois de quedar practicamente apartado dos círculos musicais, en 1829 F. Mendelssohn encargouse de dirixir unha nova versión previamente reactualizada por el mesmo.

Partido político fundado en Pontevedra, en decembro de 1931, na VII Asemblea das Irmandades da Fala. Entre os seus membros destacaron Vicente Martínez Risco, Ramón Otero Pedrayo, Ramón Cabanillas Enríquez, Ramón Suárez Picallo e Afonso D. Rodríguez Castelao. Adoptou o sistema democrático e estruturábase en agrupacións de base territorial e comités directivos de forma piramidal. O seu órgano soberano era a asemblea xeral que se encargaba da adopción do programa, da liña política e das decisións importantes. Na súa primeira etapa configurouse como un partido de elite e vangardista. Defendía a autodeterminación política de Galicia e aspiraba a unha federación ibérica, europea e mundial de nacionalidades de base étnica, todo baixo unha pretensión pacifista e antiimperialista. Entre os seus obxectivos tamén se incluían a supresión das deputacións provinciais, o recoñecemento da parroquia como entidade político-administrativa, a igualdade de dereitos políticos para a muller, a reforma agraria...

Partido político xurdido en Santiago de Compostela en 1978. Legalizado en 1979, declarouse continuador da liña programática do Partido Galeguista dos anos trinta e por iso asumiu o seu nome. Elaborou o seu propio anteproxecto de Autonomía de Galicia, participou nas eleccións de 1979, dentro da coalición Unidade Galega, e na redacción do Estatuto dos 16. Durante esta nova etapa loitou pola consecución dun Estatuto de Autonomía semellante ao de Euskadi e Catalunya e asinou o Pacto do Hostal. En 1984 o PG decidiu disolverse e integrarse en Coalición Galega.

Partido político creado en Pontevedra en 2004. Xurdiu no VIII Congreso de Refundación do PG. O seu secretario xeral é Manuel Soto Ferreiro e o presidente Xabier González. No eido político persegue unha reforma estrutural da situación política galega comezando cunha reforma do Estatuto de Autonomía e unha reformulación da Constitución, e propón a desaparición das deputacións provinciais en favor de poderes organizados comarcalmente. No eido económico cualifica a súa política de centro, coa prioridade de crear emprego, e no eido social unha política de progreso.

Organización política que xurdiu dunha escisión de Coalición Galega (CG), integrada polos sectores progresistas e nacionalistas do partido, en xaneiro de 1987, co nome de Partido Nacionalista Galego. Contou cunha militancia integrada de xeito maioritario por clases medias e algúns pequenos empresarios, aos que se engadiron elementos procedentes do Partido Galeguista Nacionalista (PG(N)). Desta fusión xurdiu o Partido Nacionalista Galego-Partido Galeguista (PNG-PG). Despois da moción de censura que derrocou a Gerardo Fernández Albor, constituíuse un goberno tripartito na Xunta de Galicia (1988-1989), en que o PNG-PG acadou a vicepresidencia e a Consellería de Pesca, entre outras. Despois do fracaso nas eleccións de 1989, integrouse no BNG en 1991.

pedregal.

Estado de Myanmar (39.404 km2; 4.607.000 h [estim 1994]). A súa capital é Pegu.