"OCR" (Contén)

Partido político que xurdiu inicialmente como corrente interna de Izquierda Unida (1992) e que celebrou o seu congreso constituínte en novembro de 1996. En marzo de 1998 tivo lugar o I congreso de Nueva Izquierda, en que Cristina Almeida foi elixida presidenta do partido e Diego López Garrido secretario xeral. Integrouse como corrente no PSOE.

Formación política fundada en 1974 co nome de Unión Social-Demócrata Galega. O seu fundador e primeiro presidente foi Alfonso Zulueta de Haz, aínda que tamén destacou J. L. Fontenla Rodrigues. Defendía a autodeterminación de Galicia, para integrarse nun estado federal, e a democracia, e definíase como socialista humanista, personalista, comunitario e demócrata. Propugnaba unha reforma socialdemócrata. En 1976 formou parte do Consello de Forzas Políticas Galegas e disolveuse despois do fracaso das eleccións de 1978.

Partido político fundado por Lenin en 1898 e que en 1918 tomou o nome de Partido Comunista da Unión Soviética.

Organización política que se constituíu en Madrid en 1984. Aglutinou, sobre todo, militantes da Unión de Centro Democrático e estivo presidida por Antonio Garrigues Walker. Presentouse ás eleccións de 1986 pero, ao non conseguir representación parlamentaria, disolveuse.

Asociación política de ámbito español que se organizou tras a Revolución de Setembro de 1868. Quixo ser a concreción organizativa do federalismo e do republicanismo, pero tardou en converterse nun verdadeiro partido político e inicialmente foi só un movemento que se pretendeu fundamentar na teoría do pacto de F. Pi i Margall. O movemento axiña se dividiu en benévolos e intransixentes. Os primeiros tendían a supeditar o partido á representación parlamentaria. Os segundos inclinábanse máis aos pactos rexionais e á actuación na rúa ou á insurrección armada. Tras o Pacto de Tortosa de maio de 1869, Pi i Margall impuxo a sinatura dun pacto nacional (xuño de 1869) que non puido evitar a insurrección federal. Na Primeira Asemblea Federal estableceuse, para conseguir máis unidade e eficacia, un directorio de cinco membros residente en Madrid. Ademais, a división interna continuou a agravarse, feito que favoreceu a proclamación da Primeira República Española. Como resposta configurouse unha tendencia...

Organización política creada por iniciativa do comité federal de Vigo na Asemblea Cantonal de Galicia de Santiago de Compostela (1873). No programa electoral defenderon a proclamación da república federal, a autonomía de Galicia, as reformas sociais, a redención dos foros e a problemática do ferrocarril, ademais de recoller as aspiracións dos sectores máis populares. O consello executivo, formado, entre outros membros, por Aureliano Xosé Pereira de la Riva, Ramón Pérez Costales e Segundo Moreno Barcia, presentou un Proxecto de Constitución para o futuro Estado Galaico (1887). A aparición do rexionalismo conseguiu que perdese o apoio dun amplo sector do galeguismo.

Partido político italiano creado en 1991 durante o congreso de Rimini como sucesor do Partito Comunista Italiano. O seu secretario xeral, Achille Occhetto, decantou o partido cara á socialdemocracia. Nas eleccións de marzo de 1994 foi a forza principal da coalición Progressistas. Por culpa dos precarios resultados electorais daquel ano, A. Occhetto dimitiu da secretaría xeral, cargo que foi ocupado por Massimo D’Alema que o revalidou no I congreso (1997). D’Alema, liderou a coalición L’Ulivo con Romano Prodi, e a vitoria desta coalición nas eleccións xerais de 1996 posibilitou a entrada no goberno desta formación. Ao final de 1998, a causa da crise de goberno provocada por Rifondazione Comunista, R. Prodi dimitiu do seu cargo de xefe de goberno e foi substituído por D’Alema. En 1998 pasou a formar parte, xunto con outras formacións, de Democratici di Sinistra (DS), que á súa vez forma parte da coalición electoral L’Ulivo.

Partido político italiano creado polos antigos militantes do Partito Popolare Italiano durante a resistencia antifascista. Co triunfo e a maioría absoluta en 1948, gobernou baixo a presidencia primeiro de Alcide de Gasperi e despois doutros democratacristiáns ata 1962, e realizou unha importante reforma agraria que puxo fin ao latifundismo. Baixo a inspiración de Amintore Fanfani iniciou daquela a apertura á sinistra, que durou ata a crise económica da década de 1970, en que formou gobernos minoritarios. Durante estes anos ocupou tamén a presidencia da república, agás no período do presidente socialdemócrata Giuseppe Saragat. A partir de 1976 a súa forza baixou e viuse obrigada a compartir o poder cos partidos laicos. En 1978 perdeu a presidencia da república, que recuperou en 1985 con Francesco Cossiga, e en 1981 a do goberno, que recuperou brevemente entre 1982 e 1983 con A. Fanfani e, a partir de 1987, con Amintore Fanfani, Giovanni Goria, Ciriaco de Mita e Giulio Andreotti....

Cristalización dos elementos das rochas por efecto da presión causada por formas oroxénicas.

Plataforma creada en 1976 e controlada pola Federación Gallega do PSOE, en que se integraron as forzas da esquerda non nacionalistas de Galicia. Versión galega da Plataforma Nacional de Convergencia Democrática, aceptou a reforma política negociada cos sectores aperturistas que procedían do Franquismo e a recuperación do Estatuto de Autonomía plebiscitado en 1936. Formou parte de Coordinación Democrática.

Plataforma constituída en outubro de 1976 pola maioría das forzas de oposición de España, para participar no proceso de reforma política. Elixiron a Valentín Paz Andrade para que formase parte da comisión negociadora, entre decembro de 1976 e abril de 1977. Abordou temas como a legalización de todos os partidos políticos, a lei de amnistía ou a preparación das eleccións xerais.

Organización constituída en xullo de 1975, integrada polo Partido Socialista Obrero Español (PSOE), varios partidos socialdemócratas e democristiáns, e algunhas organizacións de extrema esquerda, como a Organización Revolucionaria de Trabajadores (ORT) e o Movimiento Comunista de España (MCE). Mantivo un diálogo co goberno e tivo grandes dificultades para coordinar criterios e actividades, ata que se uniu en 1976 coa Junta Democrática de España, promovida polo Partido Comunista de España (PCE), e formou a Coordinacion Democrática en marzo de 1976.

Que presenta pleocroísmo.

Cambio de cor que se observa nun mineral examinado a través dun microscopio polarizador, cando se fai xirar a platina.

Persoa que ten poder ou influencia debido á súa riqueza.

Relativo ou pertencente á plutocracia ou aos plutócratas.

Tendencia dun suxeito a postergar a realización de algo, xeralmente debida a unha neurose obsesiva.