"Sion" (Contén)

1. Acción de excluír ou excluírse.

2. Intervención cirúrxica que consiste en illar un órgano, ou fragmento de órgano, sen extirpalo do organismo.

3. Sanción disciplinaria que se aplica a un xogador como castigo pola comisión dunha falta contra a regulamentación ou pola acumulación de amoestacións por infraccións reiteradas, e que implica a súa retirada do partido durante un período determinado, transcorrido o cal pode reincorporarse.

4. Principio segundo o cal nun átomo non pode haber dous electróns no mesmo estado cuántico. Foi enunciado por Paulli en 1925 e explica o espectro óptico e de raios X dos diferentes átomos e a ordenación dos elementos na táboa periódica.

1. Relativo ou pertencente á excursión ou ao excursionismo.

2. Que ou quen practica o excursionismo.

1. 1. Aumento do volume que experimenta un fluído ao diminuír a presión que soporta. A expansión é reversible se se produce mediante variacións infinitesimais de presión; entón o sistema pasa por todos os estados de equilibrio sucesivos.

   2. Aumento de volume que acompaña a combustión, no terceiro tempo do ciclo dun motor de combustión interna. A forza de expansión dos gases producidos na combustión é o que obriga os pistóns a moverse efectuando o traballo útil do motor.

   3. expansión do Universo

      Hipótese dunha expansión evolutiva do Universo, que deriva do modelo do Big Bang e que está sustentada pola observación da recesión das galaxias. Foi proposta por E. Hubble en 1929. A confirmación de que o Universo experimenta esta expansión depende da medida da densidade de materia e se o Universo é aberto ou pechado.

   4. expansión dos fondos oceánicos

      Aumento da superficie dos fondos oceánicos pola saída de materiais magmáticos profundos a través das dorsais oceánicas, que se incorpora á codia oceánica. A achega de novos materiais provoca que os continentes se separen. Como o diámetro da Terra non aumenta, a formación de codia oceánica compénsase por unha destrución de litosfera nas zonas de subdución.

2. Manifestación ou exteriorización dalgún sentimento ou pensamento íntimo.

3. Actividade de recreo ou distracción.

4. 1. Fase do ciclo económico caracterizada pola tendencia alcista dos prezos, investimentos, emprego, renda e consumo.

   2. expansión comercial

      Crecemento da actividade económica dunha empresa grazas a unha maior diversificación da gama de produtos e dos servicios que ofrece.

5. ...

DIARIOS

Diario económico fundado en Madrid en maio de 1986 polo Grupo Recoletos. Editado por Jesús Martínez Vázquez e dirixido por Miguel Ángel Belloso Blázquez, inclúe información relativa ás empresas, ás finanzas e aos mercados. Ofrece datos de actualidade da industria nacional e internacional, e formula proxectos de investimentos. Na fin de semana inclúe o suplemento Expansión y Empleo, onde se analiza o mundo laboral, ademais doutra separata con seccións de ocio e cultura. Publica tamén unha revista económica mensual titulada Fuera de Serie. En febreiro de 2001 puxo en marcha unha edición especial dedicada a Galicia.

1. Relativo ou pertencente ao expansionismo.

2. Que ou quen é partidario do expansionismo.

1. 1. Liberación brusca e violenta dunha certa cantidade de enerxía química, debido á transformación moi rápida do equilibrio físico-químico dunha substancia ou dun conxunto de substancias, que se manifesta na produción dunha gran cantidade de calor e gases. Este proceso, cunha duración de microsegundos, ten lugar en catro fases. Na primeira, a de iniciación, unha pequena fonte de enerxía provoca unha descomposición local. A segunda é a fase de propagación da reacción química, produto da transformación do explosivo nunha mestura de gases a presión e temperaturas moi elevadas (transformación de enerxía química en enerxía mecánica); segundo a velocidade de reacción, fálase de deflagración (velocidade da orde de m/s) ou de detonación (velocidade da orde de km/s). Na terceira fase prodúcese a propagación da onda de choque no medio inerte próximo ao explosivo. A derradeira fase da explosión é a expansión dos materiais rotos no medio exterior ata a disipación total da enerxía producida.

   2. explosión nuclear

      Reacción de fisión ou de fusión nuclear moi rápida, acompañada da liberación dunha gran cantidade de enerxía térmica.

2. Manifestación espontánea e violenta dun estado de ánimo.

3. Incremento súbito da poboación dun territorio a partir de elementos preexistentes.

4. 1. Liberación, normalmente brusca, da corrente de aire nunha articulación calquera, sobre todo consonántica.

   2. Terceiro e último momento (os outros dous son implosión e oclusión), que se distinguen na articulación dunha consoante oclusiva.

   3. Barra característica, de desenvolvemento vertical e de moi pouca duración, que aparece nos espectrogramas como resultado dunha explosión consonántica.

1. Acción de expresar ou expresarse.

2. 1. Maneira de expresarse mediante a linguaxe.

   2. Palabra, conxunto fixo de palabras ou locución.

3. Conxunto de signos visibles, xeralmente os da cara, que manifestan o carácter ou estado anímico de alguén.

4. 1. Facultade de manifestar o pensamento e o estado psíquico. En tanto que medio de comunicación, contribúe a manter a cohesión social porque acrecenta a comunicación entre os membros da comunidade. Os distintos tipos de expresión (mímica, palabra, escritura e debuxo) teñen como misión transmitir información a outros e, como formas de expresión, posúen un aspecto convencional que varía segundo as culturas.

   2. expresión corporal

      Medio de expresión que ten no corpo o seu eixe central de significación, creación e comunicación. No terreo do teatro dá lugar a un conxunto de técnicas interpretativas baseadas na motricidade e no movemento corporal e á disciplina que se ocupa da súa docencia e investigación.

   3. expresión dinámica

      Manifestación do individuo que, dentro dun sistema de comunicación, utiliza a actividade e o movemento do seu propio corpo como forma de expresión. Foi unha das grandes preocupacións da escola nova e, particularmente, de A. Ferrière, M. Montessori (que considera de moita importancia o movemento muscular) e A. Manjón (que utiliza como recursos didácticos o xogo e o canto). Contribúe ao desenvolvemento psicolóxico do educando, xa que incide no perfeccionamento da coordinación motriz e contribúe a acrecentar o equilibrio mental do suxeito.

   4. expresión dramática

      Medio de expresión que ten no xogo de papeis un dos eixes básicos da interpretación, entendido como un proceso de creación e construción de personaxes. No apartado educativo designa unha disciplina que ten como obxectivo o desenvolvemento das competencias expresivas, creativas e comunicativas do individuo a través do uso educativo de moi diversas técnicas e recursos baseados no xogo de papeis.

   5. ...

1. Movemento artístico desenvolvido en Alemaña e no ámbito centroeuropeo entre 1905 e 1933. Como escola representou a consciencia máis evidente dun estado colectivo de inseguridade e temor producido polos cambios e acontecementos que se sucederan no país. Ligado ao Barroco e ao Romanticismo alemán, foi un tipo de renovación do Sturm und Drang. Ideoloxicamente representou a vontade do artista de dominar o mundo exterior, situándoo nun cadro de ideas abstractas que, expresadas, explican o universo todo, prescindindo conscientemente da análise dos feitos reais. O nome dado á escola indica o espírito que expresa na deformación das figuras e dos ambientes, para manifestar a súa tensión e o seu dinamismo interior e comunicar unha crítica cruel e pesimista da sociedade; á vez fai un eloxio da loucura, da morte e da desesperación. No eido das artes plásticas, aplícase o termo expresionismo ás obras de arte ou tendencias que puxeron unha énfase na expresividade, ben do contido ou ben da forma, e que...

2. Corrente da arte abstracta que se desenvolveu dende a década dos corenta na denominada escola de Nova York. As súas orixes sitúanse no surrealismo e na abstracción de W. Kandinskij e A. Gorky, e na influencia que exerceron os pintores europeos instalados nos EE UU por mor da Segunda Guerra Mundial. Aínda que os seus membros cultivaron unha arte baseada na expresión xestual e na liberdade da pincelada, non tiveron unha unidade estilística pois foi unha arte libre sen normas e sen canons a seguir. Nos EE UU coexistiron dúas tendencias, por unha banda, a pintura xestual, o Action Painting, de J. Pollock, R. Motherwell e F. Kline; e pola outra, a baseada nos campos de cor, representada, entre outros, por M. Rothko, B. Newman, A. Reinhardt e C. Still.

1. Relativo ou pertencente ao expresionismo.

2. Que ou quen é partidario do expresionismo ou se inspira nel.

1. Acción e efecto de estender ou estenderse.

2. Movemento en que se estende un membro do corpo.

3. 1. Espacio que ocupa algunha cousa.

   2. Superficie de terreo.

4. Tempo que dura algo.

5. Liña telefónica interna que depende dunha central.

6. Propiedade da materia de estar situada no espazo e ocupar unha porción determinada do mesmo.

7. Clase dos obxectos respecto aos que un termo é verdade. Téndese a considerala equivalente á denotación e á referencia e oposta á comprensión e á intención. Desde un punto de vista lóxico, é un ámbito maior ou menor de obxectos ou especies aos que se aplica o concepto.

8. Conxunto de individuos comprendidos nunha idea.

9. ...