"ALE" (Contén)

PERSOEIRO

Matemático estadounidense. Foi profesor nas universidades de Princeton e Berkeley. Fixo investigacións en topoloxía diferencial, análise global e ecuacións diferenciais cuantitativas. En 1966 recibiu a medalla Fields polos seus traballos en xeometría diferencial.

PERSOEIRO

Escritor ruso. Publicou a compilación Donskie rasskazy (Contos do Don, Premio Stalin 1926), Tikhij Don (O Don de plácidas augas, Premio Stalin 1941), unha das súas obras fundamentais; e Podn’ataja Celina (Terras cultivadas, 1932, Premio Lenin 1960). Foi membro do Sóviet Supremo desde 1946. Recibiu o Premio Nobel de Literatura en 1965.

PERSOEIRO

Escritor ruso. Considerado un dos autores máis importantes do seu tempo, radicalizou o seu pensamento ata extremos de loucura antisoviética e de relixiosidade medieval, actitude que influíu sobre a calidade literaria das súas últimas obras, inferiores ás primeiras. Destacan Matrenin dvor (A casa de Matriona, 1963), Rakovyj korpus (Pavillón de cancerosos, 1969) Arkhip’elag Gulag (Arquipélago Gulag, 1973). En 1970 recibiu o Premio Nobel de Literatura.

PERSOEIRO

Sociólogo ruso. Participou na Revolución rusa e foi membro da asemblea constituínte. Oposto ao réxime soviético, marchou a EE UU e naturalizouse estadounidense. Das súas obras destacan Social and Cultural Mobility (1927-1941), Contemporary Sociological Theories (1928), Social and Cultural Dynamics (1937-1941), Man and Society in Calamity (1942) e Modern Historical and Social Philosophies (1950).

GALICIA

Arquitecto. Formouse na Escuela Superior de Arquitectura de Madrid. Desde 1960 traballou como funcionario de Correos. Aínda que partiu dun expresionismo organicista, ao rematar a carreira viaxou a Italia, onde o influíu o racionalismo das obras de Terragni. Ao coñecer as obras de Gropius, Breuer e Le Corbusier identificouse coa vangarda e coa corrente modernista, de xeito que a súa arquitectura se volveu cada vez máis conceptual. Empregou principalmente o aceiro e o vidro nas súas obras, das que destacan, a nave de CLESA (1961) e o Goberno Civil (1959), en Tarragona; a nave para os talleres aeronáuticos TABSA (1957), o ximnasio do Colegio Maravillas (1961), o Colegio Mayor César Carlos (1967) e o edificio para a empresa BANKUNION (1970) en Madrid; a Casa Domínguez, en Pontevedra (1976) ou o edificio de Correos e Comunicaciones (1981), en León. Tamén se dedicou á prefabricación, especialmente desde a década de 1960 (casa Varela de Vilalba). Recibiu o Premio Nacional de Arquitectura (1974),...

GALICIA

Sindicalista. Coñecido como Antonio Soto, a comezos do s XX instalouse na Patagonia, onde iniciou a súa actividade sindical en Sociedad Obrera. Promoveu unha folga xeral no Gran Hotel do porto de Río Gallegos, co fin de mellorar as condicións de vida dos obreiros, pero a sublevación foi atallada polo exército. Fuxiu a Chile e instalouse en Punta Arenas, onde fundou o Centro Republicano Español, o Centro Gallego e unha filial de Cruz Vermella Internacional.

GALICIA

Xeógrafo e historiador. Doutor en Xeografía coa tese Desartellamento social e caos urbanístico. Vigo, 1960-1980 (1990). As súas principais liñas de investigación son a didáctica da xeografía e a ordenación do territorio e o urbanismo en Galicia. Colaborou na redacción de plans de ordenación urbana de Vigo e Cangas. Autor de numerosas obras relacionadas coa didáctica da xeografía, publicou, entre outras obras, Xeografía humana (1988), Vigo: cen anos de historia urbana, (1880-1980) (1990), As Parroquias (1995), Vivendas e cidades (1997) e Planeamento estratéxico e mercadotécnica territorial (2001).

PERSOEIRO

Político búlgaro. Xefe do partido agrario búlgaro, foi encarcerado pola súa oposición á Primeira Guerra Mundial. Ao seu remate foi nomeado xefe do Consello de Ministros (1919). Derrocado por un golpe de estado (1923), foi fusilado.

PERSOEIRO

Debuxante e pintor suízo. Foi un importante cartelista, ilustrador de libros e augafortista, e destacou como debuxante realista de temas populares.  

PERSOEIRO

Escritor finlandés. Coñecido como Aleksis Kivi, abriu a literatura do seu país ao realismo e ao neorromanticismo. Das súas obras destacan a traxedia Lea (1869) e a novela Seitsäman veljestä (Os sete irmáns, 1870).

PERSOEIRO

Político. En 1958 entrou a formar parte da Secretaría General del Movimiento. Procurador en Cortes por Ávila (1967) e gobernador civil de Segovia (1968), foi director xeral de Radio Televisión Española (1969-1973). Secretario xeral do Movimiento (1975-1976), o Rei Xoán Carlos I designouno presidente do goberno en xullo de 1976. Impulsou a transformación do réxime franquista nunha democracia de tipo occidental. Presidiu a coalición Unión de Centro Democrático, coa que gañou as eleccións xerais de 1977 e orientou, con criterio pragmático, a configuración do novo sistema político, tarefa para a que obtivo o apoio da oposición (Pactos de La Moncloa, outubro de 1977). Foi reelixido presidente do goberno en 1979 pero, debilitado polas discordias no seo do partido, dimitiu da presidencia do goberno en 1981 e, ao ano seguinte, fundou o Centro Democrático y Social (CDS). Deputado por Madrid desde 1977, en 1991, logo dos malos resultados do CDS nas eleccións, dimitiu dos seus cargos políticos. En...

GALICIA

Poeta. Licenciado en Filosofía e Dereito e graduado pola Escuela Oficial de Periodismo, foi fundador e redactor da revista Certamen. Pertenceu á Xeración do 36 e foi autor de A beira da vida (1988), publicada postumamente.

CIDADES

Cidade do estado de California, EE UU, situada ao SO da baía de San Francisco e ao NO de San José (131.760 h [2001).