"lla" (Contén)

ILLAS

Arquipélago da Antártida, situado diante da Península Antártica, da que a separa o estreito de Bransfield (4.600 km). Dependencia británica, son reivindicadas por Arxentina e Chile.

ILLAS

Grupo de illas do Reino Unido situadas entre o mar do Norte e o Océano Atlántico, a uns 100 km ao NL das illas Orcadas (1.438 km2; 21.988 h [2001]). Constitúen un distrito unitario de Escocia. A capital é Lerwick (7.223 h [1981]). Está formada por un cento de illas, moitas delas deshabitadas, entre as que sobresae Mainland, a máis grande. De clima húmido e solo pobre, a súa principal riqueza é a gandaría ovina e a pesca.

1. Rexión anatómica sobresaínte, situada entre o van e as coxas, e formada polo ensanchamento dos cadrís. A cadeira articúlase mediante o xogo da cavidade acetabular do cadril, que ten aumentada a superficie articular cunha cartilaxe, e a cabeza do fémur; ao mesmo tempo, está fixada por catro ligamentos que permiten os movementos de flexión, extensión, abdución, addución, rotación e circundución.

2. 1. Asento individual con respaldo, con ou sen brazos, xeralmente con catro patas. Apareceu por primeira vez en Exipto, onde lle puxeron patas imitando as dos animais. Esta tradición obsérvase tamén no mundo asirio. Os gregos e romanos fixéronas pregables, en forma de tesoira, dobre ou múltiple. As cadeiras medievais teñen unha orixe monárquica ou eclesiástica. No Renacemento adquiriu unha maior difusión como obra de arte, sobre todo no s XVII (estilos Luís XIII e Luís XIV) e no s XVIII (estilos Luís XV, Luís XVI e Chippendale). No modernismo creceu o interese por adecuar a cadeira ao corpo humano. Máis tarde co deseño industrial tamén se cambiaron os materiais, e substituíuse a madeira polo plástico, o aluminio ou o aceiro.

   2. Banqueta con tres patas utilizada como asento.

   3. cadeira con ouriñal

      Cadeira destinada aos nenos pequenos ou á xente maior imposibilitada, cun burato redondo no asento, para colocar un ouriñal.

   4. cadeira curul

      Asento que empregaban os edís patricios romanos.

   5. cadeira de brazos

      Cadeira con barras laterais para descansar os brazos; adoita levar o asento almofadado.

   6. cadeira de frade

      Cadeira con brazos que leva o asento e o respaldo de coiro cravados.

   7. cadeira de rodas

      Cadeira con rodas laterais grandes, a miúdo pregable, que permite os desprazamentos ás persoas incapacitadas.

   8. cadeira eléctrica

      Artificio en forma de asento, utilizado para executar as persoas que están condenadas a pena de morte, mediante unha descarga eléctrica de máis de 2.000 V. Inventouna T. A. Edison en 1888.

   9. ...

MUNICIPIOS

Municipio da provincia de València, Comunitat Valenciana (16.208 h [2001]). Ten cultivos de arroz, laranxeiras e hortalizas e industria química, téxtil e metalúrxica.

PERSOEIRO

Escritor finlandés. Da súa obra destacan, ademais de contos e libros de memorias, Elämä ja aurinko (Sol da vida, 1916), Hurska kurjuus (Santa miseria, 1919), Nuorema nukknut (Mozos apagados, 1931) e Miehen tie (A vida do home, 1932). Recibiu o Premio Nobel de Literatura (1939).

AFLUENTES

Afluente pola esquerda do río Tambre que nace na parroquia do Carballal e desemboca na de Verdía (Santiago de Compostela).

ILLAS

Arquipélago da Costa da Morte que está situado fronte ao cabo San Adrián, no concello de Malpica de Bergantiños, no litoral atlántico. Está formado por tres illas: Sisarga Grande, Malante e Sisarga Chica. Nelas concéntranse a práctica totalidade das colonias de gaivota tridáctila (Rissa tridactyla) e arao común (Uria aalge) da Península Ibérica e tamén a principal colonia de gaivota escura (Larus fuscus) da Península. Predomina a vexetación de mato con especies do xénero Cytisus e unha pequena poboación de piñeiros. Foi incluído como Lugar de Importancia Comunitaria (LIC) e Zona de Especial Protección para as Aves (ZEPA) na proposta da Rede Natura 2000, dentro do espazo da Costa da Morte.

ILLAS

Illa de Dinamarca, a principal do arquipélago danés (7.450 km2; 2.248 h [estim 2001]). Situada entre o mar do Norte e o estreito de Kattegat, está separada de Suecia ao L polo estreito de Øresund e da illa de Fun, ao O, polo Gran Belt. É a zona máis poboada de Dinamarca, concentra case a metade da súa poboación e nela atópase a capital, Copenhaguen.

MONTES

Monte situado no NO da parroquia de Noceda (Cervantes). O seu cumio acada os 800 m de altitude.

ILLAS

Arquipélago do Océano Pacífico, o máis occidental dos que forman a Polinesia Francesa (1.617 km2; 189.524 h [1996]). Consta das illas do Vento (Tahiti, Moorea) e das de Sotavento (Raiatea, Tahaa, Bora-Bora e Huahine). A máis importante é Tahiti, onde se atopa a capital, Papeete (25.553 h [1996]). As plantacións de cocoteiras para a exportación de copra e de vainilla son os recursos principais. Tamén destaca o turismo.

MUNICIPIOS

Municipio da provincia de Ciudad Real, Castela-A Mancha (11.667 h [2001]). É un centro agrícola e gandeiro, con industrias alimentarias.