"An" (Contén)

Construción situada en Santiago de Compostela. Fundouno a comezos do s XVII o arcebispo compostelán Juan de Sanclemente Torquemada como colexio de teoloxía. Parece probable que as trazas fosen de Ginés Martínez, que tamén iniciaría as obras que continuou o seu discípulo Xácome Fernández. Ten planta cadrada con dúas alturas e organízase ao redor dun patio clasicista, con dúas plantas de arcos semicirculares. Construíuse en cachotaría agás a fachada que é de cantaría. O corpo principal da fachada está formado por dous corpos e tres rúas. No corpo inferior da rúa central atópase a porta de arco de medio punto, e nas rúas laterais dous pares de columnas, entre as que se abre unha fornela, erixidas sobre pedestais. Un entaboamento separa os dous corpos. As rúas laterais do corpo superior teñen a mesma estrutura ca as do inferior, mentres que na rúa central se abre unha ventá rectangular con balcón interior de ferro rematada nun frontón triangular partido co escudo do arcebispo. A portada remata...

Lugar e capital do concello de Ribas de Sil situada na parroquia homónima.

Antigo mosteiro situado en San Clodio (Leiro). De orixe descoñecida, pode que a vida monacal comezase na segunda metade do s VI con monxes que seguían a regra beneditina, procedentes de San Claudio de León. A primeira noticia histórica é de 928, cando se produciu a doazón dos condes Álvaro e Savita. Daquela o mosteiro tiña carácter familiar e dúplice e seguía a regra beneditina. Cara a 1151 adoptouse á regra cisterciense e en 1225 ingresou na orde do Císter. Desde 1530 ata a exclaustración de 1835 integrouse na Congregación de Castela. En 1891 foi priorado de Samos pero a vida monacal despareceu. As súas dependencias restauráronse e reformáronse para converterse en hotel. A igrexa ten planta basilical de tres naves divididas en catro tramos e tres ábsidas semicirculares, precedidas dun tramo recto, das que destaca a central, e cruceiro. O acceso ás capelas absidais é mediante arcos apuntados, as laterais cóbrense con bóveda de canón apuntado o tramo recto e bóveda de forno o tramo curvo...

Construción situada sobre o río Avia en San Clodio (Leiro). Trátase dunha ponte de cantaría de tres arcos de medio punto e tallamares triangulares e arredondados, construída no s XV. Atópase no antigo Camiño Real de Ribadavia ao Carballiño.

Construción situada sobre o río Sil entre Ribas de Sil e Nocedo (Quiroga). Trátase dunha ponte con tres tramos de celosía metálica sobre piares e dous de obra de fábrica. Atópase na estrada local de San Clodio a Río.

Lugar da parroquia de San Cosme de Barreiro, capital do concello de Barreiro.

Celebración popular anual que se celebra en Galgao (Abadín) que ten lugar o 27 de setembro.

Construción megalítica situada no alto de San Colmado en Cela (Mos), que tamén se denomina anta do Meixoeiro, anta das Minas ou dolmen de Cela. Trátase dunha anta de corredor da que se conservan cinco esteos, só falta o que a pecharía, e unha tampa de grandes dimensións.