"An" (Contén)

PRAIAS

Praia da ribeira dereita da ría de Muros e Noia, situada entre as puntas Seixide e A Rouxa, na parroquia de Louro (Muros).

ENSEADAS

Enseada do litoral atlántico, situada na ribeira dereita da ría de Muros e Noia, na parroquia de Louro (Muros).

CIDADES

Cidade do estado de California, EE UU, (776.733 h [2000]). Situada ao N dunha península estreita e alongada, fronte ao Pacífico e ao O da baía homónima, a expansión urbana afectou á ribeira occidental da baía de feito que Daly City, South San Francisco, San Mateo, Redwood City, Palo Alto e Santa Clara forman unha cadea continua de núcleos urbanos duns 80 km entre San Francisco e San José. Destaca Chinatown, o barrio chinés. As principais funcións urbanas afectan ao sector dos servizos. A industria é bastante importante, con construcións mecánicas e refinarías de petróleo, e tamén destaca a industria turística. Foi o núcleo orixinario da misión franciscana de Yerba Buena, creada pola iniciativa de frei J. Serra (1776). Ocupada por México (1822) e EE UU (1846), que lle deron o nome actual, tivo un crecemento espectacular a consecuencia do descubrimento de ouro en California (1848). Destruída por un terremoto e un incendio (1906), foi reconstruída.

CAPITAIS

Capital da provincia de Duarte, República Dominicana (156.267 h [2002]). Situada no N da illa, destaca como centro comercial e de transformación de produtos agrícolas.

IGREXAS

Igrexa parroquial situada en Santiago de Compostela. Obra de Lucas Ferro Caaveiro (1754-1756), en orixe foi a capela das Angustias, erixida coas esmolas dos devotos. Ten planta central, dominada por unha cúpula de media laranxa, decorada con efectos de claroscuro. A fachada foi deseñada para ser vista desde o alto dado o desnivel que existe con respecto á praza do Obradoiro, polo que a decoración se concentra na parte superior. Sobre a porta ábrese unha fornela coa figura da Piedade e na parte superior o escudo de España. O campanario central atópase encadrado por catro esculturas que aluden ás virtudes: a prudencia, a xustiza, a fortaleza e a temperanza.

MUNICIPIOS

Municipio da provincia de Alacant, Comunitat Valenciana (4.039 h [2001]). Destacan os cultivos de regadío: hortalizas, trigo, cítricos e outras árbores froiteiras.

CIDADES

Cidade da provincia de Siena, Toscana, Italia, situada nun outeiro pliocénico que domina o val do Elsa (6.951 h [1991]). Concello libre durante os ss XIII e XIV, o centro histórico foi declarado Patrimonio da Humanidade pola UNESCO en 1990.

CIDADES

Cidade da provincia de Nápoles, en Campania, Italia, situada na aba occidental do Vesubio (52.807 h [2001]).

MACIZO

Macizo dos Alpes Centrais, en Suíza, situado ao NO do Ticino. Constitúe un nó hidrográfico importante, pois alí nacen o Ródano, o Rin, o Reuss e o Ticino. Comprende numerosos cumios de máis de 3.000 m. Entre 1872 e 1880 construíuse un túnel ferroviario de 14,9 km que une as estacións de Göschenen e de Airolo. En 1980 inaugurouse outro túnel para a circulación de vehículos, de 16,3 km de lonxitude.

MONTES

Monte situado no S da parroquia de Filgueira de Barranca (Cesuras). O seu cumio acada os 500 m de altitude.

CIDADES

Cidade do NL da provincia de Bos Aires, Arxentina, integrada na área suburbana do N de Bos Aires (299.023 h [2001]). Situada á beira do Río de La Plata, ten factorías de conservas cárnicas, industria leiteira, pneumáticos, papel e cerámica.

MUNICIPIOS

Municipio de Murcia, situado á beira do Mar Menor (20.125 h [2001]). Posúe agricultura de tipo mediterráneo e gandaría ovina e porcina. Tamén destaca o turismo. É sede da Academia General del Aire.

GOLFOS

Golfo da costa meridional de Arxentina, situado entre as provincias de Chubut e de Santa Cruz, entre o cabo Dos Bahías ao N e o cabo Tres Puntas ao S.

CAPITAIS

Capital de Costa Rica e da provincia homónima (309.672 h [2000]). Situada na Meseta Central, entre os ríos Torres e María Aguilar, é o primeiro núcleo comercial e industrial do país. Destaca a maquinaria agrícola, as fundicións, o calzado, os produtos químicos, os materiais para a construción, os produtos derivados da agricultura e a produción de café. Tivo un crecemento desmesurado a causa da forte inmigración. Fundada en 1738, prosperou rapidamente grazas ao cultivo da cana de azucre e, sobre todo, do tabaco. Cidade desde 1813, converteuse en capital estatal despois da Batalla de Los Altos de la Laguna (1823). Durante a guerra civil de 1948, foi unha zona clave e a súa ocupación polas forzas rebeldes decidiu a guerra.